محمد رشيد (انته بناخينا لكنك صرت ذنب من الذنوب)
عبدالله الاصعر17-Jan-2010, 01:32 PM
يامحمد اللي فالقرى شبيت نيران الحروب=ياليت والله يامحمد كان ماشبيتها
انته بناخينا لكنك صرت ذنب من الذنوب=ياليتها ماكان تربطك الصله ياليتها
علي الشهراني17-Jan-2010, 01:41 PM
صح لسانك يا عبدالله
و صح لسان محمد مقدما
( ؟؟؟ )
محمد بن رشيد17-Jan-2010, 01:43 PM
الله الله
النار ماتاكل يكود اللي يصكون الدروب = وانته على الطرقي ياعبدالله ورى صكيتها !
انا عقوبة كل ظالم لين عن ظلمه يتوب = وصل علومي كلبوها من بعد ما اوحيتها !!
حسن إبراهيم الدجيماء17-Jan-2010, 01:57 PM
الاصعر + بن رشيد صحت السنتكم وقلوبكم ... واصلوا ... متااابع
عبدالله الاصعر17-Jan-2010, 01:58 PM
الله الله
طيب طيب
انته على درب الشقاء تراك مانته بمغصوب=عوّد على حدّك عبادالله ليش اذيتها
تبا تداحمنا يابن رشيد بكبار الجنوب=والعالم اللي غيرنا تدحمك مارديتها
عبدالله الاصعر17-Jan-2010, 02:00 PM
شكرا للاخوه اللذين شاركونا
تحياتي لهم جميعا
نايف بن ملحق الثعلي17-Jan-2010, 02:08 PM
الله الله ياشعار
عساكم علي القوه
طاروق ناري
محمد بن رشيد17-Jan-2010, 02:11 PM
الله الله
طرالكم طاري بعد ماهب نسناس الهبوب !!= وانته منول لك حدود اعرفك مازليتها !
حنا نداحم من يداحم فالشمال وفالجنوب = والناس ماتنسى فعول اللي ينومس صيتها !
محمد بن رشيد17-Jan-2010, 02:12 PM
الدجيما ,, نايف بن ملحق
هلااا وغلااا
عبدالله الاصعر17-Jan-2010, 02:28 PM
ياللي عن الواقع تهرب مانت لاقيلك هروب=انا حدودي ماتعداها ولا خليتها
انته دحمت سليم وهذيل ومطير مع الحروب=ولاّ على لسانك طرت يامحمد وغنيتها
عبدالله الاصعر17-Jan-2010, 02:30 PM
محمد بن رشيد17-Jan-2010, 02:43 PM
الله الله
لو اعرف ان السالفه تاتنتهي قبل الغروب = اوجزتها في كلمة ٍ وحده معك وانهيتها !!
ماني كذوب ولاانت ياعبدالله الاصعر كذوب = والكلمه اللي مالها برهان ماعديتها !!
عبدالله الاصعر17-Jan-2010, 03:15 PM
زال انت ماعوّدت يم رهاط وصياحك طنوب=من ضرب سيفي (بعد سكينك معي حديتها)
ماقلت لك كذاب يامحمد ولانته بمحسوب=نعم الرجل ون جتك غارات العداء صديتها
محمد بن رشيد17-Jan-2010, 03:24 PM
الله الله
فالنار لاترمي بروحك عقب ماشبت شبوب = ماتدري اني كم رقاب ٍ حمر ِ قد ذكيتها !!
انت آدمي , يالادمي منته نزيه من العيوب = ودك تكحلها ياعبدالله لكن اعميتها !!
محمد بن رشيد17-Jan-2010, 03:25 PM
صح لسااااانكــ يالاصعر
ولاتحرمنا تواجدكــ
لاهنت
عبدالله الاصعر17-Jan-2010, 04:44 PM
صح لسانك يابومالك
لاعدمناك والله
تقبل تحياتي
علي فلاح العضياني17-Jan-2010, 06:24 PM
الله الله الله
صح لسانك يا عبدالله
صح لسانك يا ابو مالك
بيض الله وجيهكم
على الابداع
عبدالله الاصعر17-Jan-2010, 07:32 PM
علي فلاح مرورك شرف
صح بدنك ياستاذ
تحياتي لك
فايز بن سرحان الثبيتي17-Jan-2010, 07:45 PM
صححححححت قلوبكم والسنتكم " قاف رااائع "
عبدالله الاصعر17-Jan-2010, 07:59 PM
صح بدنك يابن سرحان
تحياتي
عزوز النفيعي17-Jan-2010, 08:02 PM
عبدالله الأصعر00ابن رشيد00صحت الالسن00متابع للابداااع
عبدالله الاصعر17-Jan-2010, 08:43 PM
الصقيل المجرب صح بدنك تحياتي
خيال الأصيله18-Jan-2010, 06:21 AM
عيد بن مرضي18-Jan-2010, 06:23 AM
الأصعر - ابن رشيد
صح الله اااااااااااالسنتكم
طااااااااروق جزل لاهنتوووووووووووا
عبدالله الاصعر18-Jan-2010, 04:40 PM
الاصعر
يامحمد اللي فالقرى شبيت نيران الحروب=ياليت والله يامحمد كان ماشبيتها
انته بناخينا لكنك صرت ذنب من الذنوب=ياليتها ماكان تربطك الصله ياليتها
محمدرشيد
النار ماتاكل يكود اللي يصكون الدروب=وانته على الطرقي ياعبدالله ورى صكيتها !
انا عقوبة كل ظالم لين عن ظلمه يتوب=وصل علومي كلبوها من بعد ما اوحيتها !!
الاصعر
انته على درب الشقاء تراك مانته بمغصوب=عوّد على حدّك عبادالله ليش اذيتها
تبا تداحمنا يابن رشيد بكبار الجنوب=والعالم اللي غيرنا تدحمك مارديتها
محمدرشيد
طرالكم طاري بعد ماهب نسناس الهبوب !!=وانته منول لك حدود اعرفك مازليتها !
حنا نداحم من يداحم فالشمال وفالجنوب=والناس ماتنسى فعول اللي ينومس صيتها !
الاصعر
ياللي عن الواقع تهرب مانت لاقيلك هروب=انا حدودي ماتعداها ولا خليتها
انته دحمت سليم وهذيل ومطير مع الحروب=ولاّ على لسانك طرت يامحمد وغنيتها
محمدرشيد
لو اعرف ان السالفه تاتنتهي قبل الغروب=اوجزتها في كلمة ٍ وحده معك وانهيتها !!
ماني كذوب ولاانت ياعبدالله الاصعر كذوب=والكلمه اللي مالها برهان ماعديتها !!
الاصعر
زال انت ماعوّدت يم رهاط وصياحك طنوب=من ضرب سيفي (بعد سكينك معي حديتها)
ماقلت لك كذاب يامحمد ولانته بمحسوب=نعم الرجل ون جتك غارات العداء صديتها
محمدرشيد
فالنار لاترمي بروحك عقب ماشبت شبوب=ماتدري اني كم رقاب ٍ حمر ِ قد ذكيتها !!
انت آدمي , يالادمي منته نزيه من العيوب=ودك تكحلها ياعبدالله لكن اعميتها !!
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
