اودعك ربي (من الارشيف)

اودعك ربي لو مقامي معك ما طال=موادع مُحبٍ شاف من صاحبه ريبة
وعزيت نفسي فيك يا ملتقى الأبطال=عزا شايبٍ مات ولده وانفرى جيبه
بدا بك جرب واخاف يحل بك وبال=ومن خالط الجربا على حوله يصيبه
هذا شي ثابت من قديم الزمان يقال=تجارب قديمه واهل الأمصار تدري به
ومادام إن ميزان العدالة بنفسك مال=وصار المداهن شيمة الربع مالي به
انا رجل من سن الطفولة وربو رجال=مابي منزلٍ هالوقت كثرت عذاريبه
هذا منهجي لو زال اجا ثابتٍ ما زال=على نهج ابو بكر افتخر به واماري به
سبعين فرقة مع ثلاث احفظه بالبال=امخالف كلام المصطفى قمة الخيبة
فرقة تدخل الجنة وباق الفرق مُحال=واذا تجهلون بهالخبر والله مصيبة
وانا والله ابا افقد خوات وقروم عيال=سلايل حمايل طيب عاشوا على الطيبة
لكن لا اجزلت نفسي عن الشي يا رجال=اقفّل عليه الباب واحكم لواليبه

صح لسانك ولاهنت يابو عبيد

كفيت ووفيت ولا هفيت


تحياتي لك