يا اصفر عفيف الي سكن جنبكم وين * * * الي الى جيت البلد ما اتعداه

السلام عليكم ورحمة الله وبركاته


احد ابطال قبيلة عتيبة الهيلا البطل سعود بن بخيت الحبردي - رحمه الله تعالى - وهو من ضمن المشاركين في حرب فلسطين مع اخوانه ابناء وطنه .....وهو من سكان محافظة عفيف .
وقد رثاه الشاعر مطلق بن هادي في هذه قصيدة .

اترككم معها :


يا اصفر عفيف الي سكن جنبكم وين = الي الى جيت البلد ما اتعداه
يا اصفر عفيف الله يحدك على الشين = وراك ماتبكي قصيرك وتنعاه
وراك ماتبكي عزيز العزيزين = رجل الرجال الي حميده سجاياه
ليته بعيد الدار لو كان بالصين = وليته مع الحيين حتى اترجاه
وليتني اشوفه حلم والناس نايمين = واعلمه بأسرار قلب تمناه
وليته حضر معنا فرحنا على الزين = الي الى جتنا المواقف ذكرناه
ابا اذكرك يا سعود حين بعد حين = ما دام نفسي في جسدها معافاه
وبذكره ياعمير* لو كان مبطين = الى شفت قصره كن عيني تحلاه
كني بصوته له رنين بالاذنين = وايضا اتخيل في خياله وحلياه
بس اتصور صورته داخل العين = ماتمحي الصورة وطلعة محياه
ماينسى مثله عشير الكريمين = الي على وضح النقى دوم ممشاه
ولنا رجاء معقود في شخص الاثنين = محسن وفيصل* والدروب المسواه
يجون مثله ماتجيه الشياطين = على النقى والطيب مشيه ومبداه
الله يغفر زلته قولو امين = وفي جنة الفردوس روحه وماواه

*عمير هو شقيق الشاعر رحمه الله
*محسن وفيصل ابناء سعود رحمه الله


والسلام عليكم ورحمة الله وبركاته

الله يرحمهم ويرحم كل المسلمين

وصح لسان الشاعر مطلق بن هادي


ولاهنت

رحمه الله سعود واسكنه فسيح جناته

وصح لسان الشاعر/مطلق بن هادي على هذه القصيده

وتسلم يد ناقل القصيده

تسلم يا مشاري والله يرحمه ويرحم اموات المسلمين اجمعين
وصح السان الشاعر وسلمت يد الناقل


تقبل مروري ابو فيصل الحربي

الله يرحمهم ويرحم كل المسلمين

وصح لسان الشاعر مطلق بن هادي


ولاهنت



صح بدنك



ولاانت

رحمه الله سعود واسكنه فسيح جناته

وصح لسان الشاعر/مطلق بن هادي على هذه القصيده

وتسلم يد ناقل القصيده



اللهم امين

وصح بدنك

وسلمت