البارحه ياسعود

الـبـارحـه فـــي تـالــي الـلـيـل يـاسـعـود=ثـارت علـي أهجـوس مقـوى سهرهـا
دنياالشـقـاء مابـيـن طـــارد ومـطــرود=شــجـــرة مـــــن الصـبـارعـلـقـم ثـمــرهــا
كــم فــارس فـيـهـا نـحــل كـنــه الـعــود=مــــن كـثـرلـوعــات الـحــيــاة وقـهــرهــا
الـنـفـس بالـدنـيـا لــهــا حــــد مــحــدود=مــهــمــا تــعــالــت مــاتــعـــدى قـــدرهــــا
وكـــم واحـدلـومـات مــاهــوب مـفـقــود=عايـش حيـاتـة ماسـلـم مــن ضـررهـا
وكــم واحـــد مـايـعـرف الـمــد والـجــود=شـحـيــح واعــمـــال الــكـــرم مـاذكــرهــا
وغيـبـتـه الـدنـيـا بـعــد كـــان مــوجــود=بــعــد الـسـعــاده قـفـلــت لـــــه نـحــرهــا
كــم واحــد مـرتـاح فـــي ظـــل مـمــدود=مــــا هـمـتــه ســــود الـلــيــال وكــدرهـــا
وكـم واحـد جاهـل وغـادي بـه الــزود=مـايــدري إن الـعـيــن تـفـقــد بـصـرهــا
الكـبـر ظـلــم وفـاعـلـه غـيــر مـحـمـود=يـلـقـى ذنـوبــه فــــي كـتـابــه سـطـرهــا
بـاب الـردى دايـم عـن الخيرمسـدود=ولاخــيــر فـاالـدنـيــا ولا فـــــي نـظــرهــا
بيـض الليالـي ضوهـا نــور مشـهـود=تشبـه سحابـة صـيـف هـلـت مطـرهـا
أمـاالـلـيــال الـمـظـلـمـه مــابــهــا فــــــود=الله يـــكـــا فــيــنــا بـــــــلاوي خــطــرهـــا
دنيا الشقاء ماتعرف النقص والزود=تـجـتـاح مـــن دارت علـيـهـم ظـهـرهــا
والله مــاتــعــرف مــواثــيــق وعـــهــــود=ويـاحـلـوهــا ولــيـــا تــغــريــف زهـــرهـــا
دنـيـا بـهـا فـاسـد وحـاســد ومـحـسـود=ولـيـاصـفــت لـلـعـبــد مـحــلــى دررهـــــا
تكفى يبو عادل تـرى الوقـت معـدود=اصبـرعـلـى الأيـــام واعـــرف عـبـرهــا
وانتـه حميانـي سـنـاء بــرق ورعــود=ربـعــك تـزيــل الـفـاسـده مـــن قـعـرهــا

هذه القصيده
للشاعرالشيخ
فالح بن رجاء الحمياني العتيبي

شكرا على هذا النقل الرائع


وصح لسان قائلها الشاعر فالح شقيق شيخ قبيله الحميه مســعـــد الــحـمـيـانـــي




وهي موجهه لأبن أخيه الشيخ سعود مســعــد الــحــمــيــانــــي

الـكـبــر ظــلــم وفـاعـلــه غــيــر مـحــمــوديــلــقــى ذنـــوبـــه فـــــــي كــتــابـــه ســطــرهـــا
بــاب الــردى دايــم عــن الخيرمـسـدودولاخـــيــــر فــاالــدنــيــا ولا فــــــــي نــظـــرهـــا


الله الله

كــــم فــــارس فـيـهــا نــحــل كــنـــه الــعـــودمــــــــن كــثــرلــوعـــات الـــحـــيـــاة وقـــهـــرهـــا
الــنــفـــس بـالــدنــيــا لـــهــــا حـــــــد مـــحــــدودمـــهــــمــــا تـــعــــالــــت مــــاتــــعــــدى قــــــدرهــــــا
وكـــــم واحـدلــومــات مــاهـــوب مــفــقــودعـايــش حـيـاتـة مـاسـلـم مــــن ضــررهــا
وكــــم واحــــد مـايـعــرف الــمــد والــجــودشــحــيـــح واعــــمــــال الــــكــــرم مــاذكـــرهـــا

صح السان الشاعر فالح بن رجاء الحمياني العتيبي


ولاهنت اخوي سعود على اطرح مثل هذي القصيدة العملاقة

الجميل هو مرورك الرائع يا أبو حسن

الأخ بن مدهوس



شكرا على مرورك الجميل لاهنت

الأخ

ابوبدر صح بدنك

ومشكور على مرورك الجميل

والله اني اول مره اسمع باسمه ومثل هذا الشاعر كيف ما عرفناها

واقسم بالله انه شاعر لا عدو الشعار كم مره قريت القصيده وما مليت وبدون ما ادري حفظتها

ما شاء الله تبارك الله اللهم لا حسد وصح لسانه وابيات مليانه لو ماني ناقد او من عوارف الشعر

لكن يشهد الله تلذذت واستمتعت وانا اقرائها وصح لسان قايلها وتسلم يا ناقلها

الأخ الرتوعي


سلمت يمناك على الرد الجميل وتذوقك الرائع للشعر

وأن دل ذلك أنما يدل على طيب أصلك