بين الامير عبدالله ابن رشيد والجوهرة بنت تركي آل سعود

الأمير عبدالله بن علي الرشيد .. رحمه الله
مؤسس حكم آل رشيد في حائل
والفارس المعروف والغني عن التعريف .



عندما قام الامير عبدالله العلي الرشيد
بتنفيذ طلب صديقه الامام فيصل بن تركي ال سعود .
حيث استطاع ان يتقل مشاري بن سعود آل سعود
وحارسه الشخصي ( حمزه ) .

فتنفس الامام فيصل بن تركي ال سعود الصعداء
حيث استعاد حكم الرياض من جديد .

وبعد ذلك تزوّج الامير عبدالله الرشيد من إخت الامام فيصل بن تركي آل سعود .
وهي الاميرة الجوهرة بنت تركي آل سعود .
فذهب ابن رشيد من الرياض الى حائل لإنجاز بعض المهام .

فقالت الاميرة الجوهره بنت تركي ال سعود هذه الأبيات الرائعه
عن زوجها الامير عبدالله بن علي الرشيد :



حر(ن) شلع من دار قصر بـن دواس=يم الجبل فـرّق فـروخ الحبـاري

متقلدين في شذرة السيف عبـاس=اللي ذبح حمـزه(1) وعمـّه مشـاري(2)

في مجلسه تلقى كثير مـن النـاس=يضرب بسيف ٍ ماضي ٍ ما يـداري


(1) حمزه : هو الحارس الشخصي لـ مشاري بن سعود ، الذي قتله عبدالله الرشيد .
(2) مشاري : هو مشاري بن سعود الذي قتله الامير عبدالله الرشيد .

وعندما سمع الامير عبدالله بأبيات زوجتة الجوهرة
أجابها بهذه الابيات
وهو يسندها لأخاه عبيد :




مل عين(ن) كل مـا أقبـل طربهـا=يطري لها خـل(ن) بـوادي حنيفـة

الجادل اللي كـن زمـة حجبهـا=زمّة قطاة كروش عقب النكيفة

تركتها يا عبيـد عسـر(ن) طلبهـا=وفارقتها فرقى الوليف .. لوليفـه



( 1 )* كروش : هي فرس الامير عبيد الرشيد
.
.
رحمة الله عليهم .
وعلى كافة اموات المسلمين

لاهنت يا اخو رثعه

فعل الامير/عبدالله بن رشيد مع الامام فيصل لاينسى ومكافاته له بجعله امير على جبل شمر.



رحم الله الجميع

تسسسلم
لآهنت ع الموضوع ~

ونعم في الطنايا السناعيس

يعطيك الف عافية

لاهنت ياخو رثعه .. والله يرحمهم

لاهنت يا اخو رثعه

فعل الامير/عبدالله بن رشيد مع الامام فيصل لاينسى ومكافاته له بجعله امير على جبل شمر.



رحم الله الجميع


اللهم أمين ، ولاهنت يالذيب على التعقيب ، وياهلا ومسهلا .