الغربة

1-يالهاجس اللي من الغربة لك اليال = والكون ما ياســعك رغــم اتساعه
2-البعيد ليـلٍ ظلامه فالفلـــك حـال = عن زينه العــمر ورضاه ومتــاعه
3-اقلط يامال الغنيمة واخذ فنـــجال =يقعد خوى الراس ويداوي صداعه
4-أنته بدارٍ تبيــع الشيــخ بريـال =يوم الولد عنــــدهم مثل البضاعه
5داراً بها كل شيء يضيّق البال =اوجيـهـهم ليـل وغبــار ومجــاعه
6-اصبرعلى آلامها من شان الامال =والوقت ساعه فرح والحزن ساعه
7-ولونعمة الديـــن عزت نعمة المال = كذّاب مــن يؤمــن بكنز القنـاعه
8-لكن عزايه ملكت عقول ورجال = وعن مايعيـب الفتى عنـدي مناعه