وين الشمالي الغربي

الشمالي من الشعار نحسب حسابه
مرة نحسبه غربي ومرة شمالي
غاب عن منتدانا ويش سبت غيابه
والا جابه تجي يالربع حسب السوالي

السلام عليكم ورحمة الله وبركاته
ومساكم الله بالخير جميع

وعليكم السلام ورحمة الله وبركاته

الله يمسيك بالخير واستلم يالنشمي


الشمالي ليا جا الضيف له فك بابه=لاتحسّب شمال وغرب مالك ومالي
دام حنا حضرنا ياوكيل النيابه=دور الضبط هات الضبط ياهملالي

صح السان الجميع

متابع مع من غلب

الله يعطيكم العافيه

...
.
النشمي والشمالي وياليل مطولك..
..
سهره معكم يامبديعن .. وسرّوها ..
...

الاخ فواز صح بدنك يالغالي ولابه مغلوب تسليه ومحبه في القلوب

مديرنا العزيز ابو محمد الله يسلمك ويحييك
والابداع بوجودك طال عمرك

المعذره على التاخير من قال يسلم وستلم يالشمالي
يالشمالي معي سيفن جويد نصابه = ضامن مكسبي فسوق مع راس مالي
كل واحد على قده يفصل ثيابه = ولايشيل الحمول الا ضهور الجمالي

رد سيفك يانشمي وأحفظه في جرابه=الذهب ياطويل العمر بالحيل غالي
اطلب الله عفوه واطلب الله ثوابه=الدعاوي بها نوعين مرٍ وحالي

فواز الشيباني



هلابك


شرفنا مرورك

مرزوق العتيبي


هلا والله


شرفنا مرورك


متابعتك تهمنا يابو محمد

لاهنننت

سيفنا في نهار المعركه ينغزابه = والذهب لو غلي يشرى بخشم الريالي
انت مسلم لكن العلم تجهل كتابه = لا تحلل حرام ولاتحرم حلالي

سيفنا في نهار المعركه ينغزابه = والذهب لو غلي يشرى بخشم الريالي
انت مسلم لكن العلم تجهل كتابه = لا تحلل حرام ولاتحرم حلالي

حان وقت الآمان وزل وقت الحرابه=خل عنك العراض وخل عنك الطوالي
ماجهلنا لكن الوقت فيه انقلابه=كل ليله يهل الله يمنا هلالي

اشر ب العد عان العد صافي شرابه = عد ماهو هماج من القراح الزلالي
كان منته قوي في الوقت تغدي نهابه = لاتداحم بجنبك شامغات الجبالي

والله انا بلشنا في عدودٍ تشابه=مير هداج تيما شفت جمه صفالي
انت شمر يدينك ثم ناد العصابه=اجمع القوم يالنشمي واجيكم لحالي

والله النا على هدي النبي والصحابه = وانت رجلآ ولك مقدار بين الرجالي
الشمالي مع اهل الخيل يشعب ركابه = ولا وصل منزلت عنتر وزيد الهلالي

تتبعون النبي لكن فيكم غرابه=كيف الاقصى يحول اليوم دون الموالي
الشمالي يانشمي كل فارس درابه=في نهاراً يجي للنار واهج وصالي

أخوي الغالي النشمي


كفيت ووفيت وبيض الله وجهك



مغير أنا وأنت تقول نلعب شطرنج ... وهذي ملاحظه تسجل على جمهور الهيلا..


صح لسانك و دمت بخير يالنشمي..


ودي وتقديري

اخوي الشمالي وجهك ابيض ولله يعطيك العافيه
وتقبل احترامي وتقديري

...
..

صحت السنتكم وبيض الله وجيهكم ..
..
محاوره في غاية الروعه .
لاهمنتم ياغالين .
...