إعمل بجد وخل عندك حماسه...

إهداء للعزوبية وخصوصا المضطهديين من قبل رؤسائهم فالعمل...


إعمل بجد وخل عندك حماسه = يقولها اللي مادرى عن حماسي

حمس الهراري يوم يشبه حماسه = حمس الشوام اللي بليا قياسي

دقات قلبي نجر ما أقوى حساسه = وكرات دمي بن صعب(ن) وقاسي

بعض العرب مافيه ذرّة فراسه = ولا يعرف المقصود بلعب الكراسي

يافورة الدم الركود وعفاسه = من نخسة المقرود وقت النعاسي

مكهرب الأسلاك جاه التماسه = ومدوّر العثرات فيه إلتماسي

لو يفهم المعتوه وقت الدراسه = ما بلش أبوه ولا أتعبه بالأساسي

يابوي ودي من هوى البيض كاسه = أشرب من الغندور وأريح راسي

لا دنفس الدنفوس راع الخساسه = أحصّل المنهود يشبع حماسي

وسلامتكم

..
.

مشكور وصح لسانك
....

صح لسانك


يابوي ودي من هوى البيض كاسه
أشرب من الغندور وأريح راسي

صورة رائعة ..لكن أعتقد إنك ما وضحتها والشطر الثاني فيه ثقل واضح

والمدخل أعتقد إنك ما وفقت فيه :)
وباقي القصيدة جزلة وصح لسانك يولد العم

مجرد راي ..
:)

صح لسانكـ

وبيض الله وجهكـ

وتقبل مروري يالذيب

الاستاذ مرزوق العتيبي صح بدنك ومشكور على المرور يالغالي

أخوي عبدالله الثبيتي
صح بدنك والله لايهينك على إبداء رأيك .. وحقيقة هذا هو المطلوب من المنتديات ليس فقط القراءة بل لابد كل من كان له رأي أو تعليق أو تعقيب أو تصحيح أننا نسمع له ونتناقش فيما بيننا وإلا أصبحت المنتديات مثل الجرايد.. وأنا شخصيا أشعر بالغبطة والسعادة عندما ينتقدني شخص أو يخبرني عن مواطن الخلل في قصايدي لأنه من دون ذلك لن يتطور الانسان وسيظل يعيد في أخطاءه من دون أن يلاحظها لأنها في قرارت نفسه أنها صح والصح غير ذلك..

الله يعطيك العافيه وتحياتي

أخوي أبو بجاد صح بدنك ولا هنت يالغالي

أخوي عبدالله الشطر الثاني أوافقك الرأي بأن فيه ثقل لو كانت قرائته بالتشديد

فهي ليست ( أريـّح راسي) بل ( أرٍيٍــح راسي) ياء مهمله وليست مشددة

تحياتي

أخوي عبدالله مدخل أو مطلع القصيدة أتى بهذه الصياغة لأنها كانت الكلمات التي قالها المدير حرفيا

فآثرت أن أنقلها كما هي يوم شاف المدير الوظف سرحان ولاهو يم العمل قال له:

( اعمل بجد يافلان وخلك عندك حماس أنت توك شباب)...

فأتى المطلع لهذا السبب

تحياتي