الليل يا مطير جا لليل ذيب اقرب مطيري
عمير الثبيتي15-Jun-2007, 08:55 PM
اقرب مطيري يستلم
الليل يا مطير جا لليل ذيب ..................................
ذيباً يسمى ترى ذيب الجمال
اليا ظمأ ما يبا يروى قليب..................................
ون جاع ماله ترى عنكم مجال
نايف المطيري16-Jun-2007, 06:21 PM
الليل يامطيرانا اسمعلي قنيب
وسط المغاره تحت عال الجبال
لكن ابااعطيه طلقه في الشعيب
حتى نهبله عن دروب الرجال
عمير الثبيتي16-Jun-2007, 09:30 PM
هاذي عوايد مطير مع الصحيب........................
تشهد عليهم منكسة العقال
مخبُر مطير بذا الدنيا نجيب
علماً مؤرخ من أيام الجهال
نايف المطيري16-Jun-2007, 11:25 PM
عزي لحالك يامقطوع النصيب
تاريخنا مايبا شك وجدال
الله يخليك لامك يالحبيب
فقران مافي حسابك راس مال
ساير العتيبي17-Jun-2007, 12:46 AM
صح لسان بادي وصح لسان نايف
واصلوا وحنا متابعين
تحياتي
عمير الثبيتي17-Jun-2007, 01:02 PM
عزي لحا لك يبا رأسك يشيب........................
كحل عتيبي عيونك بالخلال
الله يخليك لمطير وتجيب
تجيب مثلك من غشوش العيال
نايف المطيري18-Jun-2007, 12:08 AM
الكذب ماهو على مثلك غريب
الكامل الله ولله الكمال
مفلس وعيان يبغاله طبيب
اليا صرفنا ذهب يصرف ريال
اخو جوزه18-Jun-2007, 12:21 AM
الكذب ماهو على مثلك غريب
الكامل الله ولله الكمال
مفلس وعيان يبغاله طبيب
اليا صرفنا ذهب يصرف ريال
بيض الله وجهك يانايف
وأنا ماسك الصف
رررررررروح
عمير الثبيتي18-Jun-2007, 02:35 AM
ياكثر رميك وعيى لا يصيب.............................
علتك في الكبد مدري فى الطحال
ونته مطيري ولاهوبالغريب...................................
لو تشرب المرَ قلتنا زلال
معجب العتيبي18-Jun-2007, 02:55 AM
صح لسانك وصح لسانه
مدري فيه مشكله بالتوقيت؟
نايف المطيري18-Jun-2007, 11:54 AM
الدتسن الي غدا منها الصليب
اشوفها غرست وسط الرمال
سواقها ياعجايب ياعجيب
لايلتفت لايمين ولاشمال
نايف المطيري18-Jun-2007, 11:56 AM
ساري العتيبي
واخوجوزا
وسارح البال
وجهيكم بيض وشكرا للمتابعه
عمير الثبيتي18-Jun-2007, 01:55 PM
من هو جهل يأكل ا لتمر الرطيب...........................
اللي رويسه كما شوك السيال
نسمع مثل مع بعيد ومع قريب
الذيب ما يذكر اطقاع الرخال
نايف المطيري18-Jun-2007, 02:25 PM
لاتهت لاتنفلت خلك اديب
امسك مكانك وخلك في الظلال
لاتقرب النار يحرقك اللهيب
ماداام علمك كذايابن الحلال
سريـ..للغايـه18-Jun-2007, 03:56 PM
اللـه اللـه
مبـدعين وصـح لسانكـمـ...
واللـه مدريـ من اأمسكـ صفه كل واحـد يقـول الحق عنـدي...
اسلمـوو..اسلمـوو..
عمير الثبيتي19-Jun-2007, 02:53 PM
حديتني لا زرا والله غصيب....................
يوماً بنيك على الجرف الهيال
لو كان مشيك على حشمه وطيب ..........................
ما كان عقدت في رؤس الحبال
نايف المطيري20-Jun-2007, 02:13 PM
اسال حبيب ومستوروشبيب
لاقامت المعركه كيف القتال
يالجندي الي تبا رتبة رقيب
تصعب عليك المهمات الثقال
عمير الثبيتي21-Jun-2007, 11:18 AM
يافكرتي ونكرتي فى أم الجنيب........................
ماتلزم بالخطا م و بالعقال
يا تاجر ن زاحم السوق المهيب.....................
صرتك ما جوفها غير الهلال
نايف المطيري21-Jun-2007, 11:52 AM
الضلع شامخ ومطلاعه صعيب
مالك ومال الضلاعين الطوال
ان طعتني نام واشربلك حليب
حتى تخفف من اعراض السعال
نايف المطيري21-Jun-2007, 12:23 PM
سري للغايه صح بدنك
وشكرا لمتابعتك
عمير الثبيتي23-Jun-2007, 12:37 AM
يالحصني اللي تلعب بالذنيب......................
مانته بذيب ن ولو الناب طال
لكن حنا بذا الهجر الغريب
شايخ به العبد مع بنت الحلال
طلال الثبيتي23-Jun-2007, 12:39 AM
حيل الله اقوى ياباادي :)
صح لساااااااانك ولله درك ..
وصح لسااان المطاااري
عمير الثبيتي23-Jun-2007, 01:03 AM
مشششششششششششششكور
كككككككككككللللللللللل من مر مر مر علينا وسجل حضوره
وتقبلوا فائق الاحترام والتقدير
أبو همام بن عمير المنصوري ( بادي المراقيب)
