البيت الابيض مايجي نص الصياوين الكبار

السلام عليكم ورحمة الله وبركاته

مساكم الله بالخير يالربع جميع اود ان اضع بين ايديكم هذه القصيده التي تشرفت بألقائها في مخيم العصمه امام الشيخ الهنيدي ابا العلا



يابوش كانك مندهش من مجتمعنا كيف صار =ارجع لتاريخ القبايل والسير واخبارها
تلقى بها نبذه عن العتبان خلان المهار =العزوه اللي لاتذل ولاتخون بجارها
يوم الجزيره تصتلي فيما مضى شعله ونار = ايصبحون ام الحوار ولاتشوف حوارها
النا على وجه الجزيره بالسطا رسم وقرار=من فعلنا تجمد هل الاكوار فوق اكوارها
لاصوتوا شيخاننا نقدح مثل قدح الشرار=وشيوخنا تامر وحنا نستمع لاشوارها
نقدم بسطوتنا وهيبتنا ولانخطي العيار =والطلقه اللي من يدينا مايخيب اعيارها
اليا حدرنا مثل سيل ٍ فوق وجه الارض سار =كل الديار اللي يمر بها يعل اقفارها
يالين صبحها معزي وانجلا عنها الغبار =وأمٌن بدايدها وغنا بالسعد نوّارها
قمنا وبايعناه بالطاعه كبار ٍ مع صغار =ووحٌد قبايلها وشيدها وعز اسوارها
واليوم تحت اشعار دولتنا وياحي الشعار=شهادة التوحيد والسيفين رمز شعارها
جنا جيوش آل السعود ان كان عج الحرب ثار= نارد على جال المنايا مانهاب اخطارها
شف جمعنا الحاشد بعد سمحولنا طوال العمار= مدينة ٍ وسط الصحاري تدهشك بأنوارها
كله على شان المزاين للزيان من البكار= البل تحت راية هل العوجا رفعنا كارها
والبيت الابيض مايجي نص الصياوين الكبار=اللي يزود من رحابتها كثر خطارها
يكفيك منٌا موقع ٍ تقول صالات المطار =بيٌن ولايحتاج ناس ٍ تاصفه بأشعارها
صيوان قطمان المحازم جالبين الأفتخار=العزوه اللي رافع ٍ راسي بطيب أذكارها
عليه نوٌ ٍ من يمين ابا العلا تسقي الديار = غيث ٍ على خطارها سم ٍ على اللي بارها
شيخ ٍ ينومسني بذكره كل مادار الحوار= الله يديمه هضبة ٍ نزبن بروس أحجارها

مشكور وماقصرت

صيوان قطمان المحـازم جالبيـن الأفتخـارالعزوه اللي رافع ٍ راسـي بطيـب أذكارهـا
عليه نوٌ ٍ من يمين ابا العـلا تسقـي الديـارغيث ٍ على خطارها سم ٍ على اللـي بارهـا


صح السانك يالداهيه
لاهنت يالغااالي


لاتحرمنا جديدك

صح لسانك يالغالي
والقصيده ولا اروع

والله رفعتوا روسنا ياعتيبه

صح لسانك وبيض الله وجهك

شف جمعنا الحاشد بعد سمحولنا طوال العمارمدينة ٍ وسط الصحاري تدهشـك بأنوارهـا
كله على شان المزاين للزيـان مـن البكـارالبل تحت راية هل العوجـا رفعنـا كارهـا
والبيت الابيض مايجي نص الصياوين الكباراللي يزود مـن رحابتهـا كثـر خطارهـا
يكفيك منٌا موقع ٍ تقـول صـالات المطـاربيٌن ولايحتـاج نـاس ٍ تاصفـه بأشعارهـا
صيوان قطمان المحـازم جالبيـن الأفتخـارالعزوه اللي رافع ٍ راسـي بطيـب أذكارهـا
عليه نوٌ ٍ من يمين ابا العـلا تسقـي الديـارغيث ٍ على خطارها سم ٍ على اللـي بارهـا
شيخ ٍ ينومسني بذكره كـل مـادار الحـوارالله يديمه هضبة ٍ نزبن بـروس أحجارهـا




عزالله انك صادق

صح لسانك وبيض الله وجهك عزالله انه قصيدة جزله وطرقها عذب

صح لسانك


جزلة من راس جزل

الله يعطيكـ العافيه وفالك البيرق

صح لسانك على القصيده

يسلم راسك قصيده روعه