بعض العرب تزعج الإعلام صورتهـــا

السلام عليكم ورحمة الله وبركاته





اخواني وبعد ا لتحيه ،،،

بعنوان بعض العرب مع احترامي لبقية الشعراء والنقاد


اهدي لكم هذه وسببها حينما شاهدت بعض البرامج وسيتضح لكم معناها عن قرائتها


بعض العرب تزعج الاعلام صورتها = اللي تلهث على الشاشات جوعانه
اللي تبا الشهره اخطتها ولاجتها = لاجاك واحدهم اصبح يطلق لسانه
ماتدري انه يخل بكل سمعتها = من قبل هذي من اول مالها خانه
ناساً تهايط ولا ادري ويش حاجتها = اللي تحسب الشعر تزيين قيفانه
شله وصارت على الاعلام وجهتها = تاخذ دقاق الهروج وتترك سمانه
كثروا علينا وضعنا وسط عجتها = ومتذوق الشعر عنها رافعا شانه
تبغا تميز ورجتنا برجتها = والمخرج اللي يصور يضبط الحانه
ناساً هدوم الحيا بالرخص باعتها = ماكنها من ضروف الوقت وجعانه
برامجاُ تبتدي فالليل حزتها = على قناةً تخلط الشعر بالوانه
تبغا الدراهم تصلح شات شلتها = ولكل شاعر على الشاشات عنوانه
تطلب من الناس بالتصويت عيشتها = وترسل عليها ضعوف النفس عجلانه
بالله انا علموني وش علاقتها = بالنقد فالشعر ولا حبكة اوزانه
هذا يدل انها تبني تجارتها = من قطة فلان ولا قطة فلانه


وسلامتكم






ناصر بن محمد الحافي











..

مشكور وماقصرت على القصيدة وصدقت فيما قلت

مشكور على القصيده ولاهنت يالغالي

ياناصر قصيدتك جميله معبره..

لاشلت يمناك الي خطت المثايل..

أستمر على القصيد الهادف..

الله يقويك..



خلف الدعجاني..

صح لسانك ياناصر

صدقت فيما قلت

المتابع لقنوات الشعر يرى ذلك جلياً واضحاً

الا مارحم الله من هذه القنوات

صح لسانك مره اخرى

وتقبل تحيااااتي

بيض الله وجهك يالحافي
وصح لسانك..
قصيده رائعه من شخص رائع
تحكي عن اوضاع الساحه
الشعبيه حاليا..
وفقت في انتقائها ونتمنى لك التوفيق
دائما..

اخوي ناصرصح لسانك وبيض الله وجهك
عز الله إنك صادق وانا اخوك
حتى من كثر القنوات الفضائية الشعرية
والشعراء ماعاد نتابعهم وصلنا مرحلة الملل
مودتي يالغالي

محب الهيلا

خيال الجريبا

خلف العتيبي

فيصل المسعودي

ابو مشعاب

هلال العتيبي


صحت ابدانكم وشاكر لكم اطلاعكم ومروركم الكريم


الله لايهينكم

تسلم على القصيده اخوك ابو عتب النخيش

ابو عتب النخيش


يعطيك العافيه على مرورك