يامرجح الميزان يوم ان الحمول الها جمال
سعود العصيمي25-Jul-2008, 10:01 PM
يامرجح الميزان يوم ان الحمول الها جمال = انته جملها والعصيمي صاحبك جمالها
تعال واشتر ياصحيبي بالجنيه وبالريال = واطلع على راس الجبل ويحلها حلالها
ناصر الجلاه25-Jul-2008, 10:06 PM
..
سعود العصيمي
..
صح لسانكــ يابوطااايل .. بداية مميزه وننتظر مرجح الميزان وتراه جاري مرصى علاه هههههه
واصلووووا متابع
..
سعود العصيمي25-Jul-2008, 10:09 PM
اررررحب
ياناصر الجلاه
صح بدنك
جارك وابن عم بعد وياالله المخارج منه
ماعليه خووووف ابدآ وهذه شهاده مني ،،،
مرجح الميزان25-Jul-2008, 10:12 PM
يامرجح الميزان طاب الليل يوم سعود قال..!!=له كلمة من كبرها يبطي وهو ما طالها
ياسعود حنا ع النقا نرقى على روس الطوال=وأنته مع اللي لو تحسب .. ما تعد عيالها..!!
مرجح الميزان25-Jul-2008, 10:16 PM
اررررررررحب والله ياجاري يا ناصر يالجلاه
حييت وحي هالمرور
وسعود هذاه ما أقول معه غار يالله الخراج ..ّ!! :)
سعود العصيمي25-Jul-2008, 10:22 PM
ترا كلامي عن فعل والفعل للشيوخ الرجال = فتح عيونك والعبيه فوقها خيالها
خلك على روس الطوال ولاتضيّع راس مال = والمخطيه ماني براعيها ولا قوالها
مرجح الميزان25-Jul-2008, 10:33 PM
الله ,,الله
ما أقول فيك قصور .. يمكن تنقل الكعبه شمال=مار المطيه في يميني قيدها وعقالها
ان كنت جاهل بالمرجح روح يكفيك السؤال=عيدان يدري..!! والمدير اللي معاه أقفالها..!!
سعود العصيمي25-Jul-2008, 10:41 PM
الله يشرفها ويحماها من وجيه الظلال = والا المطيه دونها قوم حدتك افعالها
ماني بجاهل فالمرجح شاعرٍ وابن حلال = وانهبت النكبا تطيّر غترته وعقالها
قادح شرار25-Jul-2008, 10:47 PM
صح لسانك يا المرجح .
سعود يا مجرم , صح لسانك ...
متابع إنكان به بقية ...
تقبلوا مرور أخوكم .
سعود العصيمي25-Jul-2008, 10:51 PM
قادح شرار
مرورك له نكهه خاصه يابعدي
وصح بدنك
وحياك الله
يابن العم
مرجح الميزان25-Jul-2008, 10:53 PM
يالله سترك ..
أفعالكم قصة طويله فالحرام وفالحلال=والكلمة قلتها راع الحجج فتالها
الهوش قايم مار ما وصلت ليا حد القتال=من يم عليان المسمى والعلوم اصحى لها..!!
مرجح الميزان25-Jul-2008, 10:55 PM
مرحبا بقادح
صح بدنك والوكاد باقي يقيه :)
سلطان الجـذع25-Jul-2008, 10:55 PM
...
الله الله ياسعود ويامرحج الميزان
صحت االالسن، وفي صفك يامرجح الميزان
.. :)
...
ذيب النفود25-Jul-2008, 10:57 PM
سعود العصيمي ، مرجح الميزان
صحت ألسنتكم يامبدعين وحنا متابعين
مرجح الميزان25-Jul-2008, 10:57 PM
ارررررررررررحب والله يا سلطان
صح بدنك
والصف زاااهي
,,
مرجح الميزان25-Jul-2008, 10:58 PM
ذيب النفود
صح بدنك ومرحبا مليوووووون
سعود العصيمي25-Jul-2008, 11:08 PM
ياصاحبي يامرجح الميزان جوز من الجدال = جنبتها عن دربها واحرمت نفسك فالها
حنا اليا وصلت لحد القتل عطرنا السلال = مانحسب احساب العلوم اخفافها واثقالها
سعود العصيمي25-Jul-2008, 11:15 PM
مرحبا ومسهلا
يالاسطووورة
صح بدنك
وفارقني مابيك تجي في صفي السلامه
منك غنيمه.
-----------
ذيب النفود
مرحبا بك ومسهلا
وصح بدنك يالغالي
مرجح الميزان25-Jul-2008, 11:21 PM
يا صاحبي يا سعود أنا بضرب مثل وأخذ المثال=اللي يعرف قصارها قالوا ..يعرف طوالها
وكل"ن" يقول انه ليا منه بغى المشراف نال=لو كان لا عم الدروب الطايله .. لا خالها
سعود العصيمي25-Jul-2008, 11:26 PM
اضرب مثل للي مايدري بالخفاف من الثقال = والا الرجال الوافيه منزالها منزالها
صدقت مار البينه ماتنتقارن بالخيال = حنا رجالٍ في اللقاء ما ينشرب فنجالها
سعود العصيمي25-Jul-2008, 11:31 PM
البناخي
الختام من عندك
صح لساااانك
اسعدتني بهذا الطاروق
ورانا دوامات
لاهنت
الفهري .25-Jul-2008, 11:32 PM
طاروق حماسي ، يستحق المتابعة .
سعود العصيمي25-Jul-2008, 11:32 PM
سعود العصيمي =
يامرجح الميزان يوم ان الحمول الها جمال = انته جملها والعصيمي صاحبك جمالها
تعال واشتر ياصحيبي بالجنيه وبالريال = واطلع على راس الجبل ويحلها حلالها
مرجح الميزان =
يامرجح الميزان طاب الليل يوم سعود قال..!!=له كلمة من كبرها يبطـي وهـو مـا طالهـا
ياسعود حنا ع النقا نرقى على روس الطوال=وأنته مع اللي لو تحسب .. ما تعد عيالها..!!
سعود العصيمي =
ترا كلامي عن فعل والفعل للشيوخ الرجال=فتـح عيونـك والعبيـه فوقهـا خيالهـا
خلك على روس الطوال ولاتضيّع راس مال=والمخطيـه مانـي براعيهـا ولا قوالهـا
مرجح الميزان =
ما أقول فيك قصور .. يمكن تنقل الكعبه شمال=مار المطيـه فـي يمينـي قيدهـا وعقالهـا
ان كنت جاهل بالمرجح روح يكفيك السـؤال=عيدان يدري..!! والمدير اللي معاه أقفالها..!!
سعود العصيمي =
الله يشرفها ويحماها من وجيه الظلال=والا المطيه دونها قوم حدتـك افعالهـا
ماني بجاهل فالمرجح شاعرٍ وابن حلال=وانهبت النكبا تطيّر غترتـه وعقالهـا
مرجح الميزان =
أفعالكم قصـة طويلـه فالحـرام وفالحـلال=والكلمـة قلتـهـا راع الحـجـج فتالـهـا
الهوش قايم مار ما وصلت ليا حـد القتـال=من يم عليان المسمى والعلوم اصحى لها..!!
سعود العصيمي =
ياصاحبي يامرجح الميزان جوز من الجدال=جنبتها عن دربها واحرمت نفسك فالهـا
حنا اليا وصلت لحد القتل عطرنا السـلال=مانحسب احساب العلوم اخفافها واثقالهـا
مرجح الميزان =
يا صاحبي يا سعود أنا بضرب مثل وأخذ المثال=اللي يعرف قصارها قالـوا ..يعـرف طوالهـا
وكل"ن" يقول انه ليا منه بغى المشـراف نـال=لو كان لا عم الـدروب الطايلـه .. لا خالهـا
سعود العصيمي =
اضرب مثل للي مايدري بالخفاف من الثقال=والا الرجـال الوافيـه منزالهـا منزالهـا
صدقت مـار البينـه ماتنتقـارن بالخيـال=حنا رجالٍ في اللقاء ما ينشـرب فنجالهـا
مرجح الميزان25-Jul-2008, 11:37 PM
كنت أحسب ان الشر زال .. لكن شفته لا يزال=ياكل كبود أهل القلوب الميته وطحالها
وختامها قدرك ترى ياسعود فالمشراف طال=وبكره تبين الخافيه .. قول المقاطي قالها..!!
مرجح الميزان25-Jul-2008, 11:39 PM
سعود صح لسانك وانا أسعد طال عمرك .. تحياتي وتقديري
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
