محاورة الشاعر : محمد غازي النخيش والشاعر : ناصر الضبيطي المطيري

بسم الله الرحمن الرحيم

السلام عليكم ورحمة الله وبركاته

محاورة من العيار الثقيل وجدتها في أحد المنتديات

بين الشاعر : محمد النخيش و الشاعر : ناصر الضبيطي المطيري

محمد النخيش

ياسلام الله على منتدى ساحة مطير
واعرف المطران قومٍ تولع نارهـا
قالو ان مطير جاهم بدال العير عير
بعد صفو كل من طب مع شعارها

ناصر الضبيطي

مرحبا باللي يسلم عسى حضه كبيـر
شاعرا يرضي هجوس البشر وانظارهـا
ذاك غير وناصر اللي على الساحات غير
يا محمد كل كلمـه نعـرف اشعارهـا

محمد النخيش

البقا ياللي ترحب وسيرهـا تسيـر
قدمك العربان ومكملـه مشوارهـا
الفكر عنده بحر والفكر عندك غدير
هاذي اللي وسط بالي ولابه غارها

ناصر الضبيطي

الدعاوي سايره زين في حكم القدير
والهبوب العاتيه ما تهـز اجدارهـا
مغتني بالمعرفه واكثر العالـم فقيـر
واترك اللي بندقه ما يحفض اعيارها

محمد النخيش

طير ياطير السعد كان لك جنحان طير
لين اشوفك كل ديره تشـرف دارهـا
ليتك تسوي سواة ابن الاجواد الشهير
كان اقول لك انت مثل العرب وافكارها

ناصر الضبيطي

مالنا فالمكسب اللي ينومسنا خشير
كل ديره نعرف اجبالها واشجارهـا
كان ماني باول القوم ماني بالاخير
الظليمه يا محمـد يجـوز انكارهـا

محمد النخيش

مكسبك شبيت نارك مساء اليوم العسير
ماقعدت اقفيت والنار وسـط اوجارهـا
ياوسيع العرف لاصار رجل وفيك خيـر
البنيه جيـب لـي عقدهـا واسوارهـا

ناصر الضبيطي

كل ما شبيت ناري حصل يوم خطيـر
ذكريات الوقت عيشو علـى تذكارهـا
كم شاعر عندي استيسره وامسى اسير
لا تطيح ام الكبايـر يطيـح استارهـا

محمد النخيش

ذكرياتي بخوياكم من السيف الشطيـر
من جنازه في جنـازه وانـا قبارهـا
لاتقول استيسره لين تاقف في عسيـر
استصح وادخل مع اللي طوال اشبارها

ناصر الظبيطي :

انت تتبعلك زمان بظهـره مستديـر
وانت عايش بين طينانها وابحارهـا
ما تبعنى اللي مع المال ينسون الظمير
الحياه بعز تسـوى ويلـز وانوارهـا

أتمنى أن تنال وتحوز على رضاكم وأستحسانكم ..

صحت الالسن والقلوب

ترا ماقصرت معك يامحمد قاضب صفك حتي النخاع

زياد خلا خويه وانا ماخليتك معك للنهايه هههههههه

مشكور على التواصل