عادة الجني ليا من شاف له ذيبٍ تخفا

السلام عليكم ورحمة الله وبركاته






مساكم الله بالخير جميعاً




سرا الليل والمعنى على الغايب الماجود=كما الجن شاف الذيب والريع له مقعود

عسى الشهر هذا كل عامٍ عليه يعود=يقولون مال العله الا مداويها

مرحبا ترحيبةٍ مثل العسل صافي مصفا=عد همال السحاب اللي هوى العليا يسوقه

عادة الجني ليا من شاف له ذيبٍ تخفا=حيث طبع الذيب لا منه لقا الجني يعوقه

صح السانك يابراهيم الجذع

وحدد من تقصد بديت اتحسس ههههههههههه

هلا وغلا اخوي جبل صايد

صح بدنك يا الغالي

اصبر وتشوف ههههههههه

هلا وغلا اخوي جبل صايد

صح بدنك يا الغالي

اصبر وتشوف ههههههههه

طيب طيب


وهاذي قعده


الليل الليل

صح لسانك يابراهيم الجذع

ابراهيم جابك الله يارجل وينك أدور لك والله جابك:) أستلم





سرى الليل وأبراهيم أنا اليوم باسريه=بدرب ٍ وعر وأخذ له من الجزل وأعطيه
لو ٍ طلقة ٍ وحده من المحزم تكفيه=يقولون مال العله ألا مداويها
والبقا بك سرها لين القدم منها تحفا=وأسبح أسبح فالبحر ثم قول لي كم هي عموقه
موتر ٍ لا من قبظ خط ٍ على حده يطفا=وموتر ٍ لامن دعس بالبنص شاش اللي يسوقه

صح السانك يابراهيم الجذع

وحدد من تقصد بديت اتحسس ههههههههههه



جبل صايد تصدق اني حسيت انه يقصدني خخخخخخخخ

لحست مخه المحاوره<<<<<

حياك الله ياصديقي

مرحبابك ياخيال الأبل ووجودك يسر الخاطر ياخوي

جبل صايد تصدق اني حسيت انه يقصدني خخخخخخخخ

لحست مخه المحاوره<<<<<

حياك الله ياصديقي


خخخخخخخخخ

الظاهر حنا موسوسين

كل صيحه نحسبنها علينا هههههههه

صح السانك وان كان ديرتك علي البحر ابقضب صفك

وان كان ديرتك علي الربع الخالي ماني قاضب صفك ههههههه

خخخخخخخخخ

الظاهر حنا موسوسين

كل صيحه نحسبنها علينا هههههههه

صح السانك وان كان ديرتك علي البحر ابقضب صفك

وان كان ديرتك علي الربع الخالي ماني قاضب صفك ههههههه



انا اللي اعرفه اني أكل بحري عاد العلم عندك:)

تقوله وأنا لن قمت اسريك واسري=معك من بني مره ومن غير يا المري

ومن يمنا يكفيك صاروخنا الذري=يقولون مال العله الا مداويها


المصيبه من هذاه اللي قبل يبدا توفا=عقب ما شاف الخيال اللي على راسه بروقه

كان شفت السهم طايش لا تعرضه المقفا=المعرفه مثل حرٍ شد صقاره سبوقه

جيت بمسج صاحب إن هنيا طارووق حامي وتركت البل ودرهمت بدالها

أبي ألحق الطاروووق الرايع بشعاره وبمعناه والفائدة لامحالة

صح السانك يابراهيم وصح السان نواف جزلين والكيف بينكم وفيكم ومنكم نلقاه

متابع وعليهم والله أكبر يابراهيم الصف ناحيتك وصفك ولايهون نواف لكن بصفه واحد مبغاه خخخ


كان شفـت السهـم طايـش لا تعرضـه المقفـا
المعـرفـه مـثـل حــرٍ شــد صـقـاره سـبـوقـه

السحور مايلزم الليلة والطارووق عن ثلاث تمرات خخخخخخ

عطناها يابراهيم والوعد قدام

انا اللي اعرفه اني أكل بحري عاد العلم عندك:)

يعني قطري


اجل الصف صفك

أقوله وأطوله وأتحداك ياعتيبي=وهذي بلا شك ٍ وهذي بلا ريبي
لو أتصيح فالعتبان وتشقق الجيبي=يقولون مال العله ألا مداويها
أبن مره لا وقف في ماقفه وفا وكفا=علم اللي ياخذون القوم من طنخه حقوقه
الجذع ياناس من عقله تجلا وأستخفا=يحسب ٍ السهم يردع روس للموت مخلوقه

برق الحيا وش غيرك قبل في صفي

صدقني ماراح تستفيد من ورى العنصريه راجع نفسك :)

يعني قطري


اجل الصف صفك


جبل صايد قطري وقاعد ع الكورنيش بعد خخخخخخخ

خل حبي لك مايروح خساره

برق الحيا وش غيرك قبل في صفي

صدقني ماراح تستفيد من ورى العنصريه راجع نفسك :)

ماهو أنت اللي تردني ولاهي العنصرية اللي تزفني بس فيه واحد في صفوفك يلدني عن إني أتواجد

في صفك خخخخخخ راجع صفوفك وتلقاه ثابت شامخ خخخخخخخ

والجزالة والمتعة والفايدة نبي نلقاها متواجدة في المتصفح هنيا وبين شعاره لكن مصمم وملزم بصف ابراهيم ولاتهون

يانواف خخخخخخ

يامرحبا يابرق الحيا بس هاه لاتقعد تطامر قدام صفي خلك من الميكرفون ووراك خخخخخخ

ترا منت خصمي يا بن مره ومن مبطي=وانا مدخلك انته وشرواك في ضبطي

تبا تهايط اشويه واقوم اخبطك خبطي=يقولون مال العله الا مداويها


نعم بالمره لكن انته على حيد المهفا=من يطاولنا الشنب محلوق والدقن محلوقه

لا تحسب النار من جاها عن البرد يتدفا=نارنا تحرق عظام القوم والكبد محروقه

مادامك جذع لاتقعد تهٌوز البعران=تصبر يلين نقول ياشامخ النيبان
أثر صاحبي صقر ٍ هوايته بالريضان=يقولون مال العله ألا مداويها
ماعليكم زود غير الزود فينا يستشفا=غمرنا لامن نواك يحير دمك في عروقه
ديننا دين الشريعه تعطي الحق الموفا=تمسك اللي يسرقون وتقطع اليمنى السروقه

نعـم بالمـره لكـن انتـه علـى حـيـد المهـفـا
من يطاولنا الشنب محلوق والدقن محلوقه
لا تحسب النار من جاهـا عـن البـرد يتدفـا
نارنا تحرق عظام القـوم والكبـد محروقـه


صح السانك يابراهيم وماهي غيريبة عليك هالجزالة ولايهون نواف

وانقز واردد هالبيتين لين شمس رمضان تغيب خخخخخخ

خروج لأداء الصلاه وراجعين

أنا اشوف دمعك فالعيون ومدامعها=ومداك الضعيف ما يسمى مدامعها

وتمشي مع العالم وكنك مدامعها=يقولون مال العله الا مداويها


غمركم طيبه ورا الجره ليا منه تقفا=ومنكم العقال مربوطه وبالحلق مخنوقه

العتيبي مثل حرٍ هفكم فالوقت هفا=وأنت من دارك قطر مطرود يا مصعب لحوقه

صحت ابدانكم جميعاً

اشكر كل من مر على الموضوع

والشكر موصل لبررق الحيا

قايد الصف الحماسي ههههه

صحت ابدانكم جميعاً

اشكر كل من مر على الموضوع

والشكر موصل لبررق الحيا

قايد الصف الحماسي ههههه

لاهنت و صح السانك يالجذع والجزالة دوم في طواريقك ولايهون نواف المري وصح السانه

وتصبحون على خير

وكل عام وانتم بخير قبل الزحمة

عصاك أنت قدامي نصيحه لاتشقرها=ياليتك تريح من بيوتك لاتشقرها
وعينك بعد ماشفت حتفك لاتشغرها=يقولون مال العله ألا مداويها
غمرنا يلحقك ياالسارق يلين أنك تصفا=ثم يجرك جر من بين العرب مثل العلوقه
وش نبي منك ياطير ٍ منكسر ماعاد رفا=خاين البيت الحرام ولا على مثلك شفوقه

ابراهيم وانا ماهوب صح لساني:)

مشكورين يالربع ع الحضور الطيب والدعوى تراها لعب نتي لا راح ولا جا

تمسو على خيييييييير


نواف

.................................................

لاهنت و صح السانك يالجذع والجزالة دوم في طواريقك ولايهون نواف المري وصح السانه وتصبحون على خير

وكل عام وانتم بخير قبل الزحمة

ابراهيم وانا ماهوب صح لساني:)

مشكورين يالربع ع الحضور الطيب والدعوى تراها لعب نتي لا راح ولا جا

تمسو على خيييييييير


نواف



أفا يانواف المري شكل النوم غطى عيونك ولاشفت اللي فاللون الأحمر

لابالله صح السانك وصح السان ابراهيم الجذع

ولاهنتو

الله يهداك خليتني اترك مرقدي وارد أخاف تزعل وتحسبني متجاهلك وماربح من تجاهلك

وتصبحون على خير ياهل الطاروووق

وراحة فالعشر الأواخر والوعد بعد العيد والمقناص إن شاء الله

وعيدكم مبارك

صح الله السنتكم



متابع معكم


ياجبل صايد


اضاهر من كثر ماينادونك

صرت تحط كل من كتب له بيت

يقصدك





الله يعينك




تحياتي لكم جميعا

صح لسانكم مبدعين



تقبل مروري

صح الله السنتكم



متابع معكم


ياجبل صايد


اضاهر من كثر ماينادونك

صرت تحط كل من كتب له بيت

يقصدك





الله يعينك




تحياتي لكم جميعا

هههههههههههه

ماعليه ياولد عاصي

انا متكل بالله

واعرف دروب نجد كلها

لاتحاتي الّقالي مخارج