24-Nov-2011, 05:14 AM
بسم الله الرحمن الرحيم
السلام عليكم ورحمة الله وبركاته
قصيدة بمناسبة زواج مرزوق بن مرداس المقاطي
يوم الاربعاء الموافق 27/12/1432هـ
الأ يالله توفقنا بدرب الخير واعماله=على مايسر الله ثم بحور الشعر نلعبها
ليا مني وردت العدّ ماني قاصر حباله=اوردها على الجمه وصاف الجم مشربها
جديرً بذكرمن هاجس مايترك جزاله=على وضح النقى مابين قاريها وكاتبها
بأسمّ مرزوق وعياله بأسمّ ضواحي وعياله =الأ يا مرحبا ترحيبةً من رأس صاحبها
عدد ما لاح براق وعدد ماهل هماله=على ظهر البسيطه لين يمشي في مناكبها
ويروي كل عرق وكل عرق بذره لحاله=شعاع الجو يجذبها وحسن الجو يجذبها
نرحب كثرها ثم كثرها والضيف يهداله= تراحيب المعزه والمعزه صار واجبها
نرحب بالضيوف اللي لفونا والفرح جاله =نوادر والنوادر ماتخلى عن مناصبها
رجالاً شاركونا حفلنا والطيب يعناله =مداهيل المواصل والمواصل من مكاسبها
زحازيح الرجال اللي تجيد الطيب باشكاله =ليا جاء في العلوم علوم مايرتاح مغضبها
ماحد يجهلك يانواً حدر من عالي جباله =على نجد العذيه ثم قرارة نجد حلبها
يشب الراس من صوت الرعد وقوة خياله =يشيل اللي يشيل وكل مافي الدرب يرهبها
على مايسر الله جوك رجليه وخياله= تحت راي الزعيم اللي زعامه نجد فاز بها
تزعمها اخو شرعا بزعامة نجد ورجاله =معارك مع قبايل والقبايل في مشاربها
الشجاعه تجبر الرجال في حله وترحاله =تسوق سوق في الموقف ولايخشى عواقبها
كذا لآد الكريزي والكريزي زاد بافعاله=سطا في نجد قمة مجد وسخر له مصاعبها
بدون قصور في كل القبايل والجهل زاله=ابوتركي موحدها وابوتركي معزبها
ونهني راعي الحفل وعسى التوفيق من فاله=على نهج السليم وحامياً نفسه ومأدبها
الف مبروك يابوفهد والجمهور قد قاله =عسى ايامه فرح وسرور و مايونس متاعبها
ابوفهد ولد عوداً ليا مال الحمل شاله =صديق لصديق ويكعم العدوان ويعطبها
ونعم والله في مرداس ونعم والله في خاله =صناديد الرجال اللي تحارب من يحاربها
وخاله شافي الشريكه ماهو مشروب فنجاله =ابو محمد ليا من العرب رفت شواربها
من كبار الأخوان ولايهاب وطالته طاله =عقيد القوم يوم القوم عج الخيل راكبها
عسى الله يرحم الميت عسى الفردوس منزاله =وجميع المسلمين وكل نفس مايحاسبها
عدد من حج بيت الله وعدد صام و صلا له =وعدد ماكان كائن بين مشرقها ومغربها
صلاة الله على صفوة الامه راعي رساله=يفوز اللي يصدقها يضيع اللي يكذبها
السلام عليكم ورحمة الله وبركاته
قصيدة بمناسبة زواج مرزوق بن مرداس المقاطي
يوم الاربعاء الموافق 27/12/1432هـ
الأ يالله توفقنا بدرب الخير واعماله=على مايسر الله ثم بحور الشعر نلعبها
ليا مني وردت العدّ ماني قاصر حباله=اوردها على الجمه وصاف الجم مشربها
جديرً بذكرمن هاجس مايترك جزاله=على وضح النقى مابين قاريها وكاتبها
بأسمّ مرزوق وعياله بأسمّ ضواحي وعياله =الأ يا مرحبا ترحيبةً من رأس صاحبها
عدد ما لاح براق وعدد ماهل هماله=على ظهر البسيطه لين يمشي في مناكبها
ويروي كل عرق وكل عرق بذره لحاله=شعاع الجو يجذبها وحسن الجو يجذبها
نرحب كثرها ثم كثرها والضيف يهداله= تراحيب المعزه والمعزه صار واجبها
نرحب بالضيوف اللي لفونا والفرح جاله =نوادر والنوادر ماتخلى عن مناصبها
رجالاً شاركونا حفلنا والطيب يعناله =مداهيل المواصل والمواصل من مكاسبها
زحازيح الرجال اللي تجيد الطيب باشكاله =ليا جاء في العلوم علوم مايرتاح مغضبها
ماحد يجهلك يانواً حدر من عالي جباله =على نجد العذيه ثم قرارة نجد حلبها
يشب الراس من صوت الرعد وقوة خياله =يشيل اللي يشيل وكل مافي الدرب يرهبها
على مايسر الله جوك رجليه وخياله= تحت راي الزعيم اللي زعامه نجد فاز بها
تزعمها اخو شرعا بزعامة نجد ورجاله =معارك مع قبايل والقبايل في مشاربها
الشجاعه تجبر الرجال في حله وترحاله =تسوق سوق في الموقف ولايخشى عواقبها
كذا لآد الكريزي والكريزي زاد بافعاله=سطا في نجد قمة مجد وسخر له مصاعبها
بدون قصور في كل القبايل والجهل زاله=ابوتركي موحدها وابوتركي معزبها
ونهني راعي الحفل وعسى التوفيق من فاله=على نهج السليم وحامياً نفسه ومأدبها
الف مبروك يابوفهد والجمهور قد قاله =عسى ايامه فرح وسرور و مايونس متاعبها
ابوفهد ولد عوداً ليا مال الحمل شاله =صديق لصديق ويكعم العدوان ويعطبها
ونعم والله في مرداس ونعم والله في خاله =صناديد الرجال اللي تحارب من يحاربها
وخاله شافي الشريكه ماهو مشروب فنجاله =ابو محمد ليا من العرب رفت شواربها
من كبار الأخوان ولايهاب وطالته طاله =عقيد القوم يوم القوم عج الخيل راكبها
عسى الله يرحم الميت عسى الفردوس منزاله =وجميع المسلمين وكل نفس مايحاسبها
عدد من حج بيت الله وعدد صام و صلا له =وعدد ماكان كائن بين مشرقها ومغربها
صلاة الله على صفوة الامه راعي رساله=يفوز اللي يصدقها يضيع اللي يكذبها
