انكان ابوك الشيخ ونت الطيب الشاعر راشد مسعد العازمي

الشاعر: راشد مسعد العازمي

سويت قافن من ضميرن يسوي=يخل الخطا ويروح للصواب
عادات اهلناثم حنا وعاده=مانشتم المسلم بدون اسباب
ولا اقولها جارن علي دعيه=الشكر لله معتق الارقاب
طرت عليه من رفيقن نخيته=واليوم ضاعت مالها مضراب
لانفعتن جتني ولاعذر جاني=والجرح مايبرى بدون اطباب
وليته تعذر من كلامن قاله=ولا مابشر فاول الجواب
وليانخيت الرجل ووعد وبشر =تراه مثل الماقف الغصاب
اما حمى الماقف وشافوه ربعه= ولا عرفوه الماكر النصاب
وغيره رفيقن بيض الله وجه=اعداد ماخط القلم بكتاب
ابو ثامر اللي مرتكن للوازم=اليوم ذكره مثل ذكر ذياب
بالواسطه والمال يفزع وينفع=وطلق سجين حط ورا الباب
وقدامها واجد ولو مطلبتها=لكن يعطيها بدون حساب
وانا احمد الله يوم من صلب جدي=وذكره مع الاصحاب والاجناب
ذكرن ينومس يوم يبدي ذكره = كريم سبلا مورد الهياب
ومن شبته وهو على الجود والوفا=ريف الصديق وموفي الطلاب
ومن جاه ماهب عنه غايب ومدرق=ولا يشتري اللحمه من القصاب
يجيب له شاة البخيل المربي=اللي يضويها من الجلاب
وليا تعشى الضيف واوفاه واكرمه=عطاه مايطلب من الاطلاب
هذا الرفيق اللي يقول ويفعل=ماهيب رفقة ضحكت الانياب
ولا يظهر الرجال غير فعوله=ماهوب فعل ابوه والانساب
ان كان ابوك الشيخ وانت ضعيف=اقمح ولا حصلت غار تراب
وان كان ابوك دوين وانت الطيب=ابشر بنعم وطاب فالك طاب
وان كان ابوك الشيخ وانته مثله=قالو هذا النادر ولد حطاب
يقولها اللي فاهم قدامنا=اعمل صحيح ومن تعب ماخاب
وكم واحدن طيبن ابوه وجده=وهو يهلب كنه الهلاب
وليانصيته للوازم كبها=مثل الهيوب اللي يبا ويهاب
وقال المثل كلن يقول وحظه=الصقر يفعل والغراب غراب
ولا يرتكي للحمل ياكود الجمل=الحمل ما تشتاله الاصعاب
لو فيه حاجاتن ترد وتمنع=وتخلي الصادق يجي كذاب
ليا صار فالدنيا مقل ومعسر=السيف مايضرب بدون نصاب
كم واحدن يبغى الجميل ومزري=وهو شجيع ومن طوال اشناب
يقولها اللي جرب اللين والقسى=والفقر للي جربه غلاب
والمعرفه للرجل زينه وتنفع=وكم فاهم للمعرفه خطاب
تفهم وتدي للرجال حقوقها=ماتصير ثورن للطعام جراب
وقصرت من كثر اللوازم وعدها=والقاف لو اطوله ماشاب
واختامها مني صلاتن على النبي= عداد ماينبت من الاعشاب




الشاعر راشد مسعد العازمي العتيبيــــ[/poem]

الرااقى
اللهم صلى على على محمد وعلى اله وصحبه اجمعين
وصح لسانك ولاهنت

صح لسانك واعتلا شانك