24-Mar-2006, 12:59 AM
مشعل بن عبدالله بن عون
ماعاد تشفع لك ابد .. دمعة العين=
انا تراني منك غاسل يديني
روحي فمان الله لاعاد تبكين=
وهذا ترى آخر يوم بينك وبيني
وينك قبل لايكبر الجرح ويبين=
اللحين جيتي عاد تتوسليني؟
ماعاد يمدي دام هالجرح جرحين=
وصكي على هالسالفه وافهميني
ماهي بقصة يوم وشهور وسنين=
الجرح مهما طاب يرجع يبيني
اتذكره لامر بي يوم الاثنين=
وليا نسيته ثار جرحٍ دفيني
ويثور في صدري سواة البراكين=
واحس باهات الندم تغتشيني
لاني عطيتك فوق ماتستحقين=
كنت احسبك يابنت تستاهليني
ماقد خطر في بالي انك تخونين=
ولاكنت اظن الجرح منك يجيني
روحي خلاص ارجوك يابنت تكفين=
خليني انسى قصتك ساعديني
روحي وانا ببقى اعيش الأمريين=
والله يصبرني على مايجيني
كنا نموذج يحتذى للمحبين=
وانتي قتلتي حبنا .. صدقيني
كنتي لي البستان بين البساتين=
كنتي وطن في داخله يحتويني
كنتي غذاي اللي يغذي الشرايين=
حتى غلاك بمنزلة والديني
كنتي سراجٍ في ظلامي يقدين=
ومن اكتئابات الزمن تنقذيني
لاكن حسافه عقب هالوقت تخطين=
وشلون اسامح غلطتك فهميني
عن داخلي يابنت لو كان تدرين=
يبكيك قلبي قبل تبكيك عيني
روحي خلاص ارجوك لالا تقولين=
وياليت لوّ لعزلتي تتركيني
لكن بقْولك شيء قدام تمشين=
لاجل الغلا الي كان بينك وبيني
اذكر عطيتك عهد في ماضي الحين=
وببقى على عهدي لاخر سنيني
ببقى معك وافي على العسر واللين=
وان مال بك جور الزمان اذكريني
لاني من اللي عهدهم يعتبر دين=
وتدرين عن مشعل ولاتجهليني
الا الهوى يابنت ماعاد يمدين=
ارجوك صكي صفحته واعذريني
بس السؤال اللي يجي بين قوسين=
واذا لقيتي لك عذر جاوبيني
قوسين من جنبه ومن تحت خطين=
ليه الخيانه دام قلبك يبيني
ماعاد تشفع لك ابد .. دمعة العين=
انا تراني منك غاسل يديني
روحي فمان الله لاعاد تبكين=
وهذا ترى آخر يوم بينك وبيني
وينك قبل لايكبر الجرح ويبين=
اللحين جيتي عاد تتوسليني؟
ماعاد يمدي دام هالجرح جرحين=
وصكي على هالسالفه وافهميني
ماهي بقصة يوم وشهور وسنين=
الجرح مهما طاب يرجع يبيني
اتذكره لامر بي يوم الاثنين=
وليا نسيته ثار جرحٍ دفيني
ويثور في صدري سواة البراكين=
واحس باهات الندم تغتشيني
لاني عطيتك فوق ماتستحقين=
كنت احسبك يابنت تستاهليني
ماقد خطر في بالي انك تخونين=
ولاكنت اظن الجرح منك يجيني
روحي خلاص ارجوك يابنت تكفين=
خليني انسى قصتك ساعديني
روحي وانا ببقى اعيش الأمريين=
والله يصبرني على مايجيني
كنا نموذج يحتذى للمحبين=
وانتي قتلتي حبنا .. صدقيني
كنتي لي البستان بين البساتين=
كنتي وطن في داخله يحتويني
كنتي غذاي اللي يغذي الشرايين=
حتى غلاك بمنزلة والديني
كنتي سراجٍ في ظلامي يقدين=
ومن اكتئابات الزمن تنقذيني
لاكن حسافه عقب هالوقت تخطين=
وشلون اسامح غلطتك فهميني
عن داخلي يابنت لو كان تدرين=
يبكيك قلبي قبل تبكيك عيني
روحي خلاص ارجوك لالا تقولين=
وياليت لوّ لعزلتي تتركيني
لكن بقْولك شيء قدام تمشين=
لاجل الغلا الي كان بينك وبيني
اذكر عطيتك عهد في ماضي الحين=
وببقى على عهدي لاخر سنيني
ببقى معك وافي على العسر واللين=
وان مال بك جور الزمان اذكريني
لاني من اللي عهدهم يعتبر دين=
وتدرين عن مشعل ولاتجهليني
الا الهوى يابنت ماعاد يمدين=
ارجوك صكي صفحته واعذريني
بس السؤال اللي يجي بين قوسين=
واذا لقيتي لك عذر جاوبيني
قوسين من جنبه ومن تحت خطين=
ليه الخيانه دام قلبك يبيني
