يامرجح الميزان اضغط هنا

يامرجح كان وقتك يسعفك يالله وهيا = غوص بحر المعرفه واجلب لنا لوله ودره
حلمنا حلم(ن) كبير مير عيا ماتهيا = يالله بخير الزمان وكافنا يالله شره

المرجح ياعميلي فالسما مثل الثريا=مايبين فالقوايل لو تناظر فالمجره
مار من شان الطلب جانا كذا (اضغط هنيا)=قلت أجرب واتسمع حلوها وان كان مره

يامرجح صاحبي ماعاد فالدنيا غبيا = البلد قام يتضايق عان بحره فوق بره
الاماني فالزمان الصلف ماتوخذ كذيا = من بغاها فالمسره لازم يدوس المضره

الحر النادر صح لسانك مليون
مرجح الميزان صح السانك مليون
شعار مبدعين

صح بدنك اخوي نايف


الابداع هو حضورك ومتابعتك لنا طال عمرك


نورتنااااا

كان ضاقت بك ترى ما أحد"ن" جبرك ابها تفيا=بدل الديره بديره ,,والبلد لله دره
من تعلق بالاماني ميت"ن" لو كان حيا=ولا يحصل من طموحه فاللقا لو كبر ذره

ابن ثعلي صح بدنك


وحييت

,,

بين وقفات القبول وبين وقفات الجفيا = يمكن اصلي صلاة الصبح في فندق مسره
انت لك عزم(ن) قوي مخاوين قلبن جريا = مير صدرك فاض فيضه مزري(ن) حتى تزره

مبدعين وحنا متابعين

مبدعين وحنا متابعين

مبدعين وحنا متابعين

مبدعين وحنا متابعين

الابداع حضورك ومتابعتك



اخوي عبالله نورررت المتصفح

الصلاة الها المساجد ..والفنادق للبغيا=والكلام الصدق واجب كل من مره يقره
وأنت حر"ن" يعجب القناص ويدق التحيا=مار فالمقناص يمكن يمنعه علم يصره

حياك الله ياعبدالله ومتابعتك نوماس

ههههههههه الفندق لابد منه اجل الواحد كيف يحرم اذا جا يزور مكه ;)ههههههههه


البيوت اللي ورى قصر الثقافه فالعليا = تاخذ من العلم راسه بالرضا ولا مغره
خيلنا في نجد تركض مانركضها هنيا = والله انه لاحقك منها على الدنيا مبره

يمكن .. كل شي جايز هاليومين..!!



أحد ينظر للطمان ,, وواحد"ن" عينه عليا=وأنت عاقل مار أظنك فالعقل من آل مره
قلت هاك العلم لكن هالولد,, :) ياناس عيا=مقفي"ن" والحبل الأصفر في عراقيبه يجره

الحر النادر


صح لسانك ..تشرفت بالطاروق معك


والأخير عندك


::

صح السن الشعار وعز انه طاروق ونيس بس عطنا الاخير يا الاحر

ماتت الاجساد بس الذكر لازال حيا = رحمة الله تلحق الميت وجر الصوت جره
في ختام القول دامك تشرب العد الهنيا = لاتغثرب ماه وتعود على رزقك تذره


انا اللي اتشرفت باللعب معك يامرجح الميزان وصح لسانك


واشكر اخي الملاح على مروره ..... وتقبل تحياتي

الله الله



اساتذه



الحر النادر : مرجح الميزان

:)


ابداع .. صحت الالسن




كان ضاقت بك ترى ما أحد"ن" جبرك ابها تفيا =بـدل الديـره بـديـره ,,والبـلـد لله دره