إما شبابيّه ولاّخنذفيّه:ولا من الويلان وقوم الطناوي(غزل من نوع آخر)

يازاعمين الحُب وعْد وخـــــطيّه = ورقمٍ ينطّل من سفيهٍ ضـــــــراوي
خفّو عليّه من دِجَلْكم شــــــويّه = وسوقوا بضايعكم لتاجر مَغَــاوي
لاتحسبون الحب حرّم علـــــــيّه = أنا شفاوي فالبنيت وْهـــــــواوي
لكنّ مالي فالرذايل رِعــــــــيّه = ولاني بحوص في دحول وْمــــلاوي
أشهق على راس الرجـــوم العلِيّه = وأندب بصوتٍ مستشدٍّ عـلاوي
وين الهنوف النايفه اليعــربيّه = شيهانةٍ تشهق لحرٍّ نـــــــــــــــداوي
ماهيب حنديّا إدّوّر رمـــــــــــــيّه = أقصد لعوبٍ تجتول تبغى تهاوي
ناقي يدور فالهنايف نقـــــــــــيّه = بنتٍ كسيره عن دروب المسـاوي
بنتٍ جريّه لْدروبٍ ســــــــــويّه =ماتعْلِك الغنْجَه و هرج ٍ نقـــــاوي
الستر ضافي والخطاوي هـــــــديّه = والحسن من دونه طْرحّ وْغطاوي
إن شفتها بالبيت رَ يَّهْ طِريّـــــه = ون شفتها بالسوق سِقْــم المْهَاوي
فالصبح عونك على ضيقه وهيّه = وفالليل ميرادك لعِدٍّ رهــــــــاوي
انثى غنوجَه للبعوله وفيـــــّـــه = مبداها ناقي والمواري هقــــاوي
وْطيبَها من طيب أُمٍّ رضــــــــيّه = إلْها مابين الالْسِن مدح وْطــراوي
روّت ضناها بالسنوع القـــــــــديّه = مع مادفق من ثدي صدرٍ دفاوي
إما شبابَيه ولاّ خــــــــــنذفيّه = ولاّ من الويلان وْقــــــــــوم الطناوي
والطيب فوّاحٍ بكلّ الــــــــبريّه = والسوء منقوعٍ بكل النحـــــــــاوي
والعرق جاذر والفـــــــــــوارع رويّه = وبنت الكحيله تجتذبها عــراوي

عبيد

صح لسآنك يالغالي

جزله يالجزل وفريده

دام لنا هالإبدآع

لاتحرمنا من جديدك

محبك

,’

صح لسانك قصيده رائعه
تقبل مروري

..
.
جزاله وابداع ...
صح لسانك ... واعتلا شانك ...

مشكووووووووووووووووووووووور على القصيدة

السلام عليكم

الأخ/ عبد الله الجذع
صح بدانك يالغالي
والجزالة متابعتك وحضورك
مشكور على الرد والمتابعة
تحياتي يالغالي


الأخ/المهندس
صح بدانك يالغالي
والروعة متابعتك وردك
تحياتي يالغالي

الأخ/مرزوق حمدان العتيبي
الجزالة والإبداع حضورك وما خطّته أناملك
وصح بدانك

الأخ/ الخيال
مشكور على المتابعة والرد
تحياتي

تسلم وتبقى ياابو فهيد واسال الله ان ينولك اللي في بالك وانا بعد مثلك للامام دايم

يامرحبا ياهوشان
ويسلم راسك يالغالي
وأسأل الله أن يوفقك وييسر لك مرادك
ومشكور على التفاعل والرد
للأمام دائماً