قم يالعصيمي جاتك الدعوه في صندوق البريد \\ امسجلين اسمك علاها والظروف مختمه !!

ناصر الجلاه كل عام وانت بخير "


"




قم يالعصيمي جاتك الدعوه في صندوق البريد = امسجلين اسمك علاها و الظروف مختمه !!
تبقى زبيده سيده في حكم هارون الرشيد = واللي يقولك غير هذا العلم بيداك الطمه

صح لسااانك ..

وبانتظاار ناصر ...

والصف عصيمي

..

وانت بخير وصحه وسلامه يابوريان


جيتك عساها ماتجيك ام الدهى وام العبيد=انت اعتبرني سيفك الصاطي حزامك واحزمه !!

تبقى زبيده سيده واللي بعدها لو يسيد = في حكمها ماعاش غير اللاش وابن المرخمه

متابع للنهايه




صح لسانك وبانتظار ناصر وصح لسانه مقدما

..

حبيب العصيمي

..

صح بدنكـ ياحبيب .. شرفني تواجدكـ الكريـــم

لاهنت

..

..

ماجد العصيمي

..

صح بدنكـ يابوجزاء .. حضوركـ يشرفني

لاهنت

..

ياسلام ياسلام

هارون وزبيده وحكم

معني ومبني

صحت الالسن والقلوب جميع

...

الله الله ... فايز وناصر ... صحت السنتكم ... متاااااااااابعين

..

خلف .. سلطان

..

صحت ابدانكم .. حضورك كريـــم

لاهنتوووا

..

صحت السنتكم جميعا


فاايز و ناااصر


و متابعين للابداااااااااااع

..

علي الشهراني

..

صح بدنكـ ياعلي .. حضوركـ يشرفنا :)

لاهنت

..

الاتصال رايح ٍ وطي لكن استلم "





لو العصيمي يدري ان الموت في حبل الوريد = انكان سجل تحت نكه ناصر (الله يرحمه)!!
العام جرتها بدت من فوق حبات الجليد !! = واليوم قامت تقرب من الراس واتغط نسمه "

الله الله



أبو ريان و ابو محمد



صحت ألسنتكم و بيض الله وجيهكم


متاااااااااااااابع

يالربع بيض الله وجيهكم كل ٍ باسمه "

بن سرحان صح لسانك وكل عام وانت بخير

الجلآآآآآهـ صح لسانك (:

..

لاتشكي لي وابيكيلك من الارسال :)



سجل تحت نكك يابن سرحان بنك بلا رصيد= وألا العصيمي باليقين الله رحمه ومكرمه !!

العام وألا اليوم ماجبتوا على الواقع جديد = ألا العلوم اللي تردد همهمه في همهمه !!

..

يالربع بيض الله وجيهكم كل ٍ باسمه

ماهو خطايه مار دايم نظرتك ماهي بعيد = انما قريت الخط دور لك ذهين ايترجمه
اخر ملوك الترك من حيث الحكم عبدالمجيد = واول مكذب لنبوه فالزمان مسيلمه

..



ماهو خطايه مار دايم نظرتك ماهي بعيد
انما قريت الخط دور لك ذهين ايترجمه
اخر ملوك الترك من حيث الحكم عبدالمجيد
واول مكذب لنبوه فالزمان مسيلمه




صح لسانك يافايز خروج اضطراري ولكن لي معك لقاء يابوريان تمس على خير

حبيب العصيمي \ ماجدا العصيمي \ خلف المطيري\ سلطان الجذع \ علي الشراني

علي فلاح العضياني \ بن ساعد الثبيتي "



بيض الله وجيهكم مامدانا نرد عليكم من سوء الاتصال "

صح بدنك يابو محمد والى لقاء قريب ان شاء الله "

صحت الألسن

و الله يبيض وجيهكم


لكن
ليتكم واصلتوا طاروقكم شوي


ننتظر جديد الابداع في تحاوركم