وبرقاً مقفي طبعنا مانخيله

الله وكير يوم انا كنت وياك= نجلس سوى في ظل شجره طويله
ازهمك بسمك وانت تشر بيمناك= والكل منا مايفارق خليله

لاشفتني تقول اهلا وحياك= نبني جدار ونتفق مانزيله
وليا طلبتي شي انا اقول لك جاك=واقول في حقك تراها قليله

وتقول مطلع خارج البيت لولاك=من غيرك انا بين الامه ذليله

ويمسي علي الليل وانا اتحراك=من كثر حبك صرت مجنون ليله

واتقول لو انسى هلي ماتناساك= انا عرفتك قبل لا حط شيله

واليوم مدري عقبنا ويش غواك=وصرتي علي مع الليالي رزيله

عقب الوفا تنطق لي انا اتحداك= ولا ينكر المعروف ناساً اصيله

ماهو بنا اللي ينحني ويترجاك= اطلب عوضك من الليال الجزيله

اسمع كلاماً ياصلك ويتعداك= حنا عرفنا منكرين الجميله
مادامت اسلوبك كذا روح مبغاك=ومن عافنا عفناه بهون وسيله
واعرف ترى مازعزع القلب طرياك=ومثلك عساها ماتجيلي حليله
وختامها روحي مع اللي تمناك= وبرقاً مقفي طبعنا مانخيله

واعرف ترى مازعزع القلب طرياك
ومثلك عساهـا ماتجيلـي حليلـه
وختامها روحي مع اللـي تمنـاك
وبرقـاً مقفـي طبعنـا مانخيلـه



ياسلااام مسك الختام وقصيده رائعه يابو سرحان


لي ملاحظه بسيطه لا تفسد جمال القصيده وهي صيغة المخاطب في القصيده

تمنيت انها كانت موحده للمحافظه على قوة التماسك ولكنها اتت مره للمذكر ومره للمؤنث "


وانا اعلم ان وصف المحبوب بصيغة المذكر جائز في شغر الغزل

ولكن هنا وجدتك لا تلتزم بصيغه واحده





اتمنى ان تتقبل نقدي برحابه صدر "

ابو ريان حياك الله وصح بدنك وهذا فن تحاور بيني وبين المعني بالقصيده

ومنك نستفيد

صح لسانك


قلبك ماعند الا أختيارين يايحب يايكره



متعك الله بالمحبه دائمًا وابداً



وصح لسانك

صح بدنك يابو فيصل