صحيح البخاري غير ابن ماجه

ان كان مالك بقلبـي يالغضـي حاجـه *** رده ويمكن يجي له شخـص محتاجـي


رده بجرحـه ومتنـازل عـن علاجـه *** وعسى الزمن لي كفيل ببلسم علاجـي


مادام شرع الهـوى ضيعـت منهاجـه *** وش هو له اتعب ونهجك عكس منهاجي


يالصاحب اللي تذوب الشمس بحجاجـه *** لاوالله الا قتلـت لضحكـة حجـاجـي


حبك بروحي سرى في ليـل معراجـه *** وامضى بدمي على ميثـاق معراجـي


واصبحت قلبي عليكـم زايـد خلاجـه *** وامسيت كلي حنين وشـوق وخلاجـي


وقمت اتقلب مثل( بنٍ )علـى صاجـه *** صبر وصبره نفد ثـم اقلـق الصاجـي


من بعد ماكنت نـور القلـب وسراجـه *** اليوم اقول أمس كان لقلبـي سراجـي


اليا اقبل الليـل همـي جهـز افواجـه *** واليا انهزم فوج تاخـذ ثـاره افواجـي


في بحر حزني غريق اصارع امواجـه *** اشهـق وارد الزفيـر بغبـة امواجـي


والرجل صارت مـع الخليـان دواجـه *** ياليـن سمونـي العربـان دواجــي


يامن هو اللـي لنفسـه دور احراجـه *** مثلي من اجلك وضعت النفس باحراجي


كان انت صدقت فينـي هـرج هراجـه *** انا الذي ماسمع بـك هـرج هراجـي


ترى (صحيح البخاري) غير (ابن ماجه) *** والملح لو زاد نعـرف نكهـة الماجـي


عـزااه ياقلـب ضيـع درب مخراجـه *** ضيعتني قبل اعرف لـدرب مخراجـي


**العيد قـرب وكـل ينظـر افراجـه *** وانا الذي مانوى المحبوب لافراجي **


ياخيبة الحـظ لامـن عـاد بادراجـه *** وعودت مكسور خاطر تايـه ادراجـي


طولتها واعذروا وافي علـى ازعاجـه *** والمعذرة ياوليـف الـروح لازعاجـي

وسلامتكم ,,,

منقول للشاعر (( وافي ))

** وافي ليس اسما للشاعر وانما هو رمز فقط على حسب ما وردني

تقبلوا تحياتي

العيد قـرب وكـل ينظـر افراجـه وانا الذي مانوى المحبوب لافراجي صح لسانك

العنيد صح بدنك وصح لسان قايلها

اشكرك على مرورك

تسلم يمناك

ماقصرت

تحيااااااااااااااتي

ومن قال يسلم

ولو هي بكيفي والله ما اذخر عنكم بشي لكن الظروف حكمتنا

<<<<<<< بيعلمكم انه عسكري هههههههههههههههههه

تحياتي للجميع

مشكور وبيض الله وجهك

العفو ووجهك ابيض يا طويل الباع