العمده هلابك ... !!!
علي الشهراني29-Jan-2011, 05:05 AM
السلام عليكم و صباح الخير
يا رعد و الله ان مالي على الشعر طاري=غير شفتك و قلت الشعر يا طيب طيبه
بين وقع السيوف و بين وقع الشباري=شي ما يعرفه يا كود شاعر عتيبه
مشعل الحافي29-Jan-2011, 05:08 AM
ياسلام ياعلي
مبدع وننتظر حضور الابداع من العمده
معكم وفـ الصفين//
علي الشهراني29-Jan-2011, 05:10 AM
الابداااع مرووورك يا مشعل
لاهنت و مشكووور
و الله يعين على العمده بخير
رعد الروقي29-Jan-2011, 05:18 AM
عليكم السلام صباح الفل
اررحب يا علي
الله الله
سوقها يا علي مع درب ذيب المساري
وانت راع البعيـــــــدة مانت راع القريبه
الشقا له علامه والـــــــــوفا له مواري
وان بدى الجرح ماله غير لمسة طبيبه
مشعل الحافي29-Jan-2011, 05:21 AM
الله الله الله
الشقا له علامه والـــــــــوفا له مواري
وان بدى الجرح ماله غير لمسة طبيبه
ياسلااام
علي الشهراني29-Jan-2011, 05:23 AM
البقا يا رعد
استلم
ابشر بسوقها سوقٍ يقص البراري=لين يعرف خفيف العقل معنى الغليبه
راعي الاجره اللي صار مدمن بواري=عنده اهم حاجه ما تروح الذهيبه
رعد الروقي29-Jan-2011, 05:38 AM
الله الله
الغليبة على حضرة غليص ومكاري
مالها حوم من حول الجبال المنيبه
من تعامل مع الدنيا تعامل حضاري
يمكن يعيش عمره ما تحمل مصيبه
رعد الروقي29-Jan-2011, 05:42 AM
حياك الله يا مشعل الحافي
وبيض الله وجهك على وقفاتك الطيبة
علي الشهراني29-Jan-2011, 05:56 AM
الله الله
انت لو شفت وقع السيل تحت الكباري=تعرف ان الرضا للنفس عكس الغصيبه
العجم ودها تخفي صحيح البخاري=و العرب مستهيمه بين مكه و طيبه
رعد الروقي29-Jan-2011, 06:09 AM
الله الله الله
المريض وملفه عند قسم الطواري
ماهو بساري الا وصفته وسط جيبه
من غدى فالقوايل ضيعته فالغداري
مابها شك والا الحق مافيه ريبه
علي الشهراني29-Jan-2011, 06:17 AM
الله الله
الدوام المسائي و الدوام النهاري=ما يرجّع شباب العود لا بان شيبه
يا رعد لو تراجع مجد ذات الصواري=يمكن انّك تفكّ الشفره المستريبه
مشعل الحافي29-Jan-2011, 06:28 AM
رعد الروقي29-Jan-2011, 06:32 AM
الله الله
من يقول ان الاصلي في محل التجاري
يجهل الطلقة اللي وقعت فالضريبه
المصخن عن اللي فيه يرقيه قاري
لكن الله حسيبه لكن الله حسيبه
رعد الروقي29-Jan-2011, 06:37 AM
علي الشهراني29-Jan-2011, 06:49 AM
الله الله
انت تبعد و تقرب داري و منت داري=و ان بغيت الصحيح اقول حاجه غريبه
البدو ودي انهم يسكنون الحواري=لجل ترتاح من ثقل الليال العصيبه
علي الشهراني29-Jan-2011, 06:49 AM
هلا و غلا يا مشعل
و مشكوور على متااااااااابعتك
رعد الروقي29-Jan-2011, 07:08 AM
الله الله
سامح الله زماني لو جحد كل خاري
استره بالثياب البيض ويزيد عيبه
كان بقعاء من الحيرة تهل العباري
جامع الحي ما هزت مشاعر خطيبه
علي الشهراني29-Jan-2011, 07:21 AM
مسموووح
الله الله
بعد بكره يبا يصدر قرارٍ وزاري=( كل راعي نصيب يحطّ عنده نصيبه )
قصة الطفلة العرجاء مع الاستشاري=من سببها الوجيه البيض صارت شحيبه
رعد الروقي29-Jan-2011, 07:38 AM
الله الله الله
ما يقرر نصيب الناس بايع وشاري
الله اللي يقدر للفتى مــــا يصيبه
العما والصما محسوب فوق المثاري
ان نشدنا عنه قالوا لنا في مغيبه
علي الشهراني29-Jan-2011, 07:55 AM
بيض الله وجهك يا رعد و صح لسانك
اشكرك على قبول الدعوه
تصبح على خير
رعد الروقي29-Jan-2011, 07:59 AM
ووجهك ابيض يا علي ولا شكر على واجب
شرفتني
صح بدنك وانت من اهل الخير
معجب العتيبي29-Jan-2011, 08:21 PM
علي الشهراني
يا رعد و الله ان مالي على الشعر طاري=غير شفتك و قلت الشعر يا طيب طيبه
بين وقع السيوف و بين وقع الشباري=شي ما يعرفه يا كود شاعر عتيبه
رعد الروقي
سوقها يا علي مع درب ذيب المساري=وانت راع البعيـــــــدة مانت راع القريبه
الشقا له علامه والـــــــــوفا له مواري=وان بدى الجرح ماله غير لمسة طبيبه
علي الشهراني
ابشر بسوقها سوقٍ يقص البراري=لين يعرف خفيف العقل معنى الغليبه
راعي الاجره اللي صار مدمن بواري=عنده اهم حاجه ما تروح الذهيبه
رعد الروقي
الغليبة على حضرة غليص ومكاري=مالها حوم من حول الجبال المنيبه
من تعامل مع الدنيا تعامل حضاري=يمكن يعيش عمره ما تحمل مصيبه
علي الشهراني
انت لو شفت وقع السيل تحت الكباري=تعرف ان الرضا للنفس عكس الغصيبه
العجم ودها تخفي صحيح البخاري=و العرب مستهيمه بين مكه و طيبه
رعد الروقي
المريض وملفه عند قسم الطواري=ماهو بساري الا وصفته وسط جيبه
من غدى فالقوايل ضيعته فالغداري=مابها شك والا الحق مافيه ريبه
علي الشهراني
الدوام المسائي و الدوام النهاري=ما يرجّع شباب العود لا بان شيبه
يا رعد لو تراجع مجد ذات الصواري=يمكن انّك تفكّ الشفره المستريبه
مرعد الروقي
ن يقول ان الاصلي في محل التجاري=يجهل الطلقة اللي وقعت فالضريبه
المصخن عن اللي فيه يرقيه قاري=لكن الله حسيبه لكن الله حسيبه
علي الشهراني
انت تبعد و تقرب داري و منت داري=و ان بغيت الصحيح اقول حاجه غريبه
البدو ودي انهم يسكنون الحواري=لجل ترتاح من ثقل الليال العصيبه
رعد الروقي
سامح الله زماني لو جحد كل خاري=استره بالثياب البيض ويزيد عيبه
كان بقعاء من الحيرة تهل العباري=جامع الحي ما هزت مشاعر خطيبه
علي الشهراني
بكره يبا يصدر قرارٍ وزاري=( كل راعي نصيب يحطّ عنده نصيبه )
قصة الطفلة العرجاء مع الاستشاري=من سببها الوجيه البيض صارت شحيبه
رعد الروقي
ما يقرر نصيب الناس بايع وشاري=الله اللي يقدر للفتى مــــا يصيبه
العما والصما محسوب فوق المثاري=ان نشدنا عنه قالوا لنا في مغيبه
معجب العتيبي29-Jan-2011, 08:22 PM
الشهراني علي
وعمدة الابداع
صحة الالسن
طاروق شعراء كبار
ابو فايح29-Jan-2011, 11:16 PM
يا سلااااااام
طاروق كايف
صحت السنتكم
ابداع غير مستغرب عليكم
رعد الروقي30-Jan-2011, 02:32 AM
معجب .. شكرا على جهودك // ابو فايح
الف مرحبا ومسهلا
صحت ابدانكم ووجودكم تشريف
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
