من عيــن @ماجد@
أبو مرحبا18-May-2005, 04:50 PM
الله الله
يالهذيلي ودنا نلعب وفالمعنى تصيبي=والمعاني يالهذيلي بعضها ماهي جريمه
الهذيلي طامع في عبدالعزيز العتيبي=والعتيبي يالهذيلي طمعته شر وضليمه
محمد العتيبي18-May-2005, 06:54 PM
الله الله
يالهذيلي ودنا نلعب وفالمعنى تصيبي=والمعاني يالهذيلي بعضها ماهي جريمه
الهذيلي طامع في عبدالعزيز العتيبي=والعتيبي يالهذيلي طمعته شر وضليمه
لاهنت ياقحص وحنا منتظرين الهذيلي عساه مايطول
مرزوق حمدان العتيبي18-May-2005, 07:14 PM
ياسلالالالالالالالالالام
ياقحص ....
ابداع ...
ماجد الهذلي18-May-2005, 08:53 PM
مرحبا ترحيبة ٍ ما دونها شك ٍ وريبي = بعدها هات العلوم اللي جديده والقديمه
أختلفنا وأتفقنا كلها ود ٍ وطيبي = وكان يبغى الحق حاضر يحكم وحكمه نقيمه
ماجد الهذلي18-May-2005, 08:55 PM
؟؟؟؟؟؟؟؟؟؟؟؟؟؟؟؟؟
مرحبا بالجميع
مرزوق وابو مشعاب
سلمتوا
أبو مرحبا18-May-2005, 09:40 PM
ابو مشعاب
مرزوق العتيبي
حضوركم تشريف
الله الله
البقا يامن يرحب في صديق له قريبي=يالهذيلي شد حيلك واجعل النيه سليمه
يالهذيلي حاضر بحاضروهذا العلم عيبي =يجهل القصه غرير صغير جعله للحريمه
ماجد الهذلي19-May-2005, 03:11 AM
راس مالي حافظه يا صاحبي في وسط جيبي = وانت مالك دوره روّح مع الفارس غنيمه
الدوى موجود وجروحك تحت يد الطبيبي = كل منهو ضيم نلقى ما يفيد اليوم ظيمه
مرزوق حمدان العتيبي19-May-2005, 02:00 PM
...
شعار مبدعين ..
واصلــــوا ..
تحياتي
أبو مرحبا20-May-2005, 12:04 AM
الله الله
راس مالك يالهذيلي لا يروح ولا يجيبي *** يالهذيلي روح الفارس ولاحصل لقيمه
العتيبي هو طبيب الجرح لو أنه صعيبي *** يالهذيلي اطلب المولى عسى ستره يديمه
فيصل المسعودي20-May-2005, 01:53 AM
والله أبداع ومتقصرون والله استانسنا وصح لسانكم ياقحص وياماجد .
فيصل المسعودي
ماجد الهذلي20-May-2005, 02:40 AM
علم اللي ما تعلم لا تعلم لك لبيبي = وانت عينك كنّها يا صاحبي عين ٍ يتيمه
صرت لقمه تحت ناب الذيب ذا حظ ونصيبي = والسبب فسواقت متهور يدينك غشيمه
ماجد الهذلي20-May-2005, 02:43 AM
هلا والله بمرزوق مليون
وهلا بفيصل مليون وينك غايب
اخطار برقاوي20-May-2005, 05:20 PM
الشاعر ماجد سجل اعجاب اخوك
الشاعر قحص ونعم لين ياصل الطيب حده ما قصرت بيض الله وجهك
أبو مرحبا21-May-2005, 11:15 PM
الله الله
المدارس قفلت ياصاحبي عقب الذويبي *** وانت يارجال عدل فكرة(ن) عندك سقيمه
يالهذيلي لاتحاول كم وكم مثلك صويبي *** من يدينن قلتها حذرا من يدينن سميمه
أبو مرحبا21-May-2005, 11:29 PM
فيصل المسعودي
و
اخطار برقاوي
بيض الله وجيهكم على المرور
ماجد الهذلي22-May-2005, 01:08 AM
يا قحص تقحص على غير السنع كنّك غريبي = خيمة ٍ ما تنبني ألا على عامود خيمه
الهذيلي سالم الأسباب وأنته ما تطيبي = غير لين تذوق كيّه تحت جو ٍ فيه غيمه
ماجد الهذلي22-May-2005, 01:25 AM
هلا بأخطار تسلم من ذوقك
يالغااالي
تحياااتي
أبو مرحبا26-May-2005, 01:49 AM
الله الله
أحمدالله حافظ ماجوب ربي غير طيبي *** ولاحسبت حساب قول اللاش ولا الرخيمه
الهذيلي من خبرنا الهذيلي فيه ريبي *** وماله الا نجلبه لسوق ياربع ونسيمه
::::::::::::::::::::::::::::::::::::
الاخ @ماجد@
صح السانك ولاهنت طال عمرك
ماجد الهذلي28-May-2005, 07:25 AM
هلا والله بقحص
وسا محنا وأنا خوك تراها مزوح
وتحياااتي
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
