ابيات مختاره ( في الفنجال )

السلام عليكم ورحمة الله وبركاته



هذا بعض ماقيل في الفنجال ( وانتمنى انتعجبكم)


ومن ليه المزيد فلا يبخل علينا



قم سو فنجال بعض ماه مبيـوت
غر السحاب منزَله مـن هللها
طبخة كريم طيب الهيل منعـوت
واحمس على جمر قد اقفا شعلها
دقه بنجر وثولث النجر بالصوت
يجذب رجال مـا نـدور بدلهـا
(هادي الشعرا )





يامسوي الفنجال كثر ابهـاره
عده لابن عران واثنه لابو ذيب
وضويحي الجروي متيه ابكاره
وجديع يا ستر البني الرعابيب

(هادي بن شعوا)






فنجال بن خنته تقعـد الـراس
والزعفران مقطع فيـه تقطيـع
انا يعدا لي ولـو فيـه جـلاس
هراجة المجلس قعـود مهانيـع
اللي لهم همز ولمز ووسواس
في ساقة الاجواد همز وتراتيع!!
(عضيب بن حشر )





قم سو فنجال على خمسة اجنـاس
احذر تجي حرقه وبالـك نياهـا
خلك لها عن كل عذروب حساس
قيس لها الطبخه على قـد ماهـا
حتى يجي فنجالها يجلي الاعماس
عقب الصلف والسهر مكبر غلاها



(مشاري بن ربيعان )






ياما حلا الفنجال في كل حزه
في مجلس ما سفرو له بقازي
واللي يسويها صبـي منـزه
شطر بها ماهو سواة الخنازي


(عيد بن خلف العاصمي)






ياصابين البن صبوا لناصر
صبو له الفنجال قبـل يـذاق
يركب على صفرا نظير نايفه
ويحلب له عند العتيم فـواق



(حويدي العاصمي )





قم سو فنجال ترا الراس منـداش
لعيون من قرنه على المتن مرجود
في دلة مربوبـة كنهـا الشـاش
وبهارها كف من الهيل والعـود
الهيل كثـر ولاتوانـا ولجـاش
والزعفران اقنع على شذرة العود


(مشعان بن هذال)



قم سو مايجمد على الصين ياذيـاب
بدلال وصـف للقطـاط المحاديـب
ونجر يصيـح وللمساييـر جـذاب
دنه على طـول الدهـر للمواجيـب
اليا ذلـق فنجالهـا كنـه خضـاب
ورسى صبغ بكفوف بيض الرعابيب
(هايس بن مجلاد )




ياما حلا الفنجال مع سيحة البال
في مجلس مافيه نفـس ثقيلـه
هذا ولد عم وهـذا ولـد خـال
وهذا رفيق مـا لقينـا مثيلـه



(راكان بن حثلين)



والله لولا مـزة العظـم مـره
وفنجال بن عشرَ عفر بهـاره
لا اخذت من زين الغلاوين جره
اتبعتها الفنجال يطفي حـراره
من واهج بالصدر ياكود حـره
لا فار يضرب بالنواظر شراره

(محمد العوني)




صبـه ومـده ياكريـم السبـالـي
يبعد اهمومي يوم اشمـه بالانفـاس
فنجال يغـدي مـا تصـور ببالـي
وروابع تضرب بها اخماس واسداس



(محمد السديري)



ياسايق الفنجال عـده لمـدوخ
واثنه لابن صلال هو والجلاوي
وانا زبون الحرد ابو ضيف الله
لا كلّح الشارب عـن الشفـاوي


(شليويح العطاوي)



قم قرب اللـي عنقهـا كنـه وزا
انا لها من ضيقة البـال منحـاز
فنجالهـا بيـن الشفايـا يمـزا
اشقر ومشروبه على الخمر يمتاز
( محمد الاحمد السديري)




مع دلة صفراعلى النار مركـاه
وابصر بصتها على شف روحي
فنجالها يشدي خضاب الخونـداه
الجادل اللي عند اهلها طموحـي

(ذعار بن مشاري بن ربيعان)




الله على مـزة سبيـل العراقـي
اصغر بجيك بلوذة التتن مفروك
وفنجال بـن ماهـواه الحراقـي
وصينية يركض بها العبد مبروك
صبه لمن يثني علـوم التلاقـي
لاصار عند قطيهن ضرب بيلوك


(النوري الشعــلان)




م ن ق و ل

وهذه الابيات / للقاضي . في وصف القهوه ( الفنجال) :


يامل قلب كلما التم بالاشفاق +++ من عام الاول به دواليك واخفوق

كنه مع الدلال يجلب بالاسواق+++ عامين عند معزل الوسط ما سوق

الى عن لك تذكار الاحباب واشتاق++بالك وطاف بخاطرك طاري الشوق

دنيت لي من غالي البن مالاق+++بالكف ناقيها عن العذف منسوق

احمس يانديمي ثلاث على ساق++ ريحه على جمر الغضا يفضح السوق

واياك والنيه وبالك والاحراق+++ واصحا تصير بحمسة البن مطفوق

الى اصفرلونها ثم بشت بالاعراق++صفرا كما الياقوت يطرب لها الموق

وعطت بريح فاخر فاضح فاق+++ ريحه كما العنبر بالانفاس منشوق

دقه بنجر يسمعه كل مشتاق+++ راعي الهوا يطرب الى دق بخفوق

لقم بدله مولع كنها الساق +++ منصوبة مربوبة تقل غرنوق

خله تفوح وراعي الكيف يشتاق++الى طفح له جوهر صح له ذوق

زلها على وضحا لها خمسة ارناق++ هيل ومسمار بالاسباب مسحوق

مع زعفران والشمطري الى انساق++والعنبر الغالي على الطاق مطبوق

الى انطلق من ثعبة تقل شبراق+++رنق تصور للحمامه على الطوق

شكل على الفنجال لونه الى راق++ دم الغزال الى انمزع منه معلوق

خمر الى منه تسلسل بالارياق+++ عليه في ماء صافي الورد مذلوق

عتيبي 2005


الله يعطيك العافيه


ومشكووور على مشاركتك الرائعه



تحياااااتي

تحياااااتي لك أبن نعيس سلمت يدااك على النقل الكريم

لا هنـــت يا بن نعيــــس ولا عدمنـــــاك والله وافكارك الحلــــــــــــــــــــــــــوة .

فيصل السعودي


الله يسلمك



ومشكووور على المروور


تحيااااتي

محمد


ولا انت والله يسلمك ويعافيك



ومشكوور على المرووور



تحياااااتي

ابن نعيس مشكور على المواضيع الى دايم ماتجيبها الى في علوم الرجال الف شكر ولك منى كل احترام


فواز الشيباني ابوطلا ل

ابوطلال


العفووووو والله يسلمك ويعافيك



ومشكووووور على مروورك الرائع


تحياااااتي