سلمان يامير السعد يابيض اللون الشاعر راشد مسعد العازمي

يامرحبا ميه وخمسين مليون=بالورد والريحان بعد معموله
بامير نجد اللي عطا الحق موزون =واليوم نجد منوره من فعوله
خمسين عام بالتقدم تزيدون-واليوم احسن دار واعز دوله
واهل عفيف ومن تبعها يهلون=وزيارتك ماهيب دعون سهوله
سلمان يامير السعد يابيض اللون=ابيض وجوه دايم وكلن يقوله
وانتم عيال العود بالحق تمشون=في مافرض ربي وسنه رسوله
واللي يعاديكم مجنى وملعون =وملعون من يرضى ومن صار حوله
وحسادنا اللي في بلدنا يحسدون=امابدوبالشر ولاعملوله
تخسون ياحرابة الشر تخسون =مفاوتين المرجله والرجوله
وامثالكم ذخر النصارى وشارون=اللي على كفوا الدمي معلوله
وحنا ماحنا بالنصارى تعقبون =حنا بدار اهل الشرف والبطوله
حنا بحكم اللي عساهم يدومون =عيال من حمى الحدود بذلوله
وهي منول بين طاعن ومطعون=عاشوا بها وقت الجهل والجهوله
جاها وعدلها وفتح لهاعيون=وامست بعد كفو الدمي مغسوله
وصى عيالها بالعداله يعدلون=ومشوا بحكم الشرع على وصوله
ادى امانة حق في كف مامون=امانتن من عودهم ومحموله
ويالله عساه بالجنة الخلد مضمون-امين يامنش المطر من ثعوله
وهم على حفظ الامانه يحرصون =وسلمان مثل العود كنه دلوله
هذا الرجل فاهم وبالحق متقون=ومن وقفته كل الرجال شهدوله
معدال حق وسيف للي يلفون=والحق شرع الله وعنده كموله
ويالله يامعبود ياخالق الكون=نخوة كلامن حق عندك قبوله
تجعل لميتهم من النارمصيون-في جنة الفردوس يثبت نزوله
والحي يبقى لدير درع وحصون=اللي حدو عنها العدو وارتكوله
هذا الكلام الصدق والناس يدرون = لكن قول الحق نبا نقوله

الشاعر:راشد مسعد العازمي