يتل الضماير تل جمسً مع التمهيد
جهز الهرس20-Mar-2003, 12:43 AM
تولم يابو خالد على اللي يدن البيد=قبل لاتذر الشمس ولابمغربها
نبا ننحراللي من يشوفه تراه سعيد=عسى العين تملا شوفها من حبايبها
حبيبً يهددني وانا ماقبل التهديد=بعينً هدبها ثومت القلب صو بها
وخداً جرحني لو توفيت منه شهيد=كما النجفه اللي ولع الفيش كهربها
جماله طبيعي ماجماله من التقليد=يفرح عيوني نوب واحيان يغضبها
يفرح عيوني يوم اشوفه وشوفه عيد=وسبت زعل عيني غيابه يسببها
وجودي يابوخالد لشوفت عنودالصيد=ولوشوفها لمحه ترا العين يعجبها
وجودي وجود الجاني اللي يذب الريد=ذلوله ثلاث ايام واسبوع يشعبها
تعرض لهيب القيض والحر قام يزيد=وساقه حفي من قو دقه لغاربها
بعد طوّل المشوارقيل بهاك الحيد=وقيد ذلـــــــــــوله بالمعامــــــيل وقربها
صحا ثم تغانمها بعد ماقطعت القيد=ركض لين مات من الضما عجز يقضبها
تبذ الخفا كثر السوالف من الترديد=وانا لو ابشرح قصتي من يكذبها
جرالي من الغربال والهم والتنكيد=اموراً عليه تصعب انجيت احسبها
اعذل على نفسي ونا في خلاي وحيد=ابا الصبر مير العين جابت حضيبها
بغيت الدموع تهيد وقامت تزيد تزيد=من الصاحب اللي لوع الكبد واعطبها
يتل الضماير تل جمسً مع التمـهيد =عليه الـــــــــــحــموله من ورى الحد جايبها
يتله غلامن والمسافه وراه بعـــيد=يبا نقطة التفتيش قدمه يجنبها
00000000000000000
مع تحيات
الشـــــــاعر/جهز الـهــرس
الصمصام20-Mar-2003, 01:50 AM
صح لسانك وانا خوك
قصيده جزله ورائعه
اعذل على نفسي ونا في خلاي iiوحيـد
ابا الصبر مير العين جابـت iiحضيبهـا
تقبل تحياتي
اخوك
الصمصـــــــــام
وننتظر الجدبد
راعي المغاتير21-Mar-2003, 11:04 PM
وجودي يابوخالد لشوفت iiعنودالصيـد
.........ولوشوفها لمحه تـرا العيـن iiيعجبهـا
وجودي وجود الجاني اللي يذب iiالريـد
...............ذلوله ثـلاث ايـام واسبـوع iiيشعبهـا
الله واكبر بيض الله وجهك يالمرشدي
وصح لسااااااانك هل انت جهز الهرس
ولك مني سلام...وللجميع
ابن عاصم22-Mar-2003, 09:22 AM
صح السانك
وقصيده رائعه جدا
ياراعي الجزاله
ننتظر منك المزيد
الغربي22-Mar-2003, 01:26 PM
حيا الله شاعرنا ( جهز الهرس) المرشدى
وبيض الله وجهك على القصيده
اول مشاركه واول رائعه في المنتدى
يهلا والله ومرحبا
اخوك الغربي
جهز الهرس22-Mar-2003, 07:57 PM
وشكراً الكلً من الأخوه ( الصمصام وراع المغاتير وابن عاصم والغربي)
وجميع من مر على هذه المشاركه
تقبلو تحياتي
جهز الهرس
مطلق الشيباني11-Apr-2003, 07:09 PM
تسلم ولا هنت يا ولد العم جزله وما تجيب الا الجزل
يتل الضماير تل جمـسً مـع iiالتمهيـد
.......................................عليه الحموله من ورى الحـد iiجايبهـا
يتلـه غلامـن والمسافـه وراه بعيـد
........................................يبـا نقطـة التفتيـش قدمـه iiيجنبهـا
واقووووووووول ترى زمان الجمس ولاء وهذا زمان VXRههههههههههههه
تقبل تحيااااتي :- مــطــلــق الــشــيـــبــــــانــــــــي .......................
فهد الدعجاني17-Apr-2003, 01:51 PM
صح لسانك اخوي جهز قصيدة وافية لاهنت
اخوك===== فهد
ابوعتب23-Apr-2003, 05:09 PM
قصيده روعه
اقف لها احتراما
ابو وعيل23-Apr-2003, 11:23 PM
صح لسانك ..احدى روائع المنتدى
وعشت والله وانا اخوووك
والى الامام ونتظر الجديد
تحياتي
ابو وعيل الرويس
الحصان26-Apr-2003, 03:28 PM
صح لسانك يابو بجاد قصيده رائعه من شاعراً رائع
اخوك الحصان
جهز الهرس27-Apr-2003, 04:32 PM
صحة ابدانكم جميعاً
اشكر الأخوه الكرام ( مطلق الشيباني00فهد الدعجاني000ابو عتب00ابو وعيل00
00الحصان) على مشاعرهم الطيبه00000
،،،،،،،،،،،،،،
وتـحـيـه طيــــــــبه
اخوكم/جهز الـــهـرس
فكّاك النشب28-Apr-2003, 12:46 AM
بغيت الدموع تهيد وقامت تزيـد iiتزيـد
من الصاحب اللي لوع الكبد iiواعطبهـا
يتل الضماير تل جمـسً مـع iiالتمهيـد
عليه الحموله من ورى الحـد iiجايبهـا
يتلـه غلامـن والمسافـه وراه بعيـد
يبـا نقطـة التفتيـش قدمـه iiيجنبهـا
صح لسانك ياجهز مليون
قصيدة رائعه وننتظر منك الجديد القادم .
جهز الهرس03-Jun-2003, 09:53 PM
صح بد نك مليونين يافكاك النشب
وشكراًلك
الطرقي03-Jun-2003, 11:42 PM
اخوي جهز صح لساااااااااااااانك
والله رائعه رائعه جدا وسجل اعجابي
اخوك/ الطرقي
جهز الهرس04-Jun-2003, 01:36 PM
اخوي الطرقي صح بدنك ،،،،،،،،،،
وشكراً على ما ابديت به من كلامً رائــــــــــع،،،،،،،،
وتقبل تحياتي
اخــــــوك جهز الهرس
motlak04-Jun-2003, 01:47 PM
صح لسانك ونتمنى المزيد
بس ان شاء الله تكون شهيد في الاسلام
جهز سيف العتيبي06-Jun-2003, 05:27 AM
بعيدا عن الترديد والنحـــــو التجويد
ابنطـــق بكلمـــة حق في حق كاتبهــا
تفج الظلام وتنحـــــــر الغث والتعقيد
تجريك تتبعها وتبطـــي تراقبهــــا
تذر القصيد وتجمع الحـــــد والتوحيد
تصالح شعور الشوق لو هو يحاربها
وبعيدا عن التجـــويد والنحو والترديد
قصيدة خيالي وانت بالفعل كاتبها
عذرا على هذه الابيات المتواضعه امام قصيدتك الباسقه
راعي الحامدية06-Jun-2003, 01:45 PM
تبذ الخفا كثر السوالـف مـن iiالترديـد
وانا لو ابشرح قصتـي مـن iiيكذبهـا
ياشاعرجهز
جهز الهرس06-Jun-2003, 07:01 PM
الأخ motlak صح بدنك وشكراً على هذه الملاحضه وتقبل الله منا ومنكم
الأخ راعي الحاميه صح بدنك وتسلم يمينك
،،،،،،،،،،،،،،،،،،،،،،،،،،،،،،،،،،،،،،،،،،،،،،
الأخ الـــــعـــــزيــــز جـــهـــــز ســــيـــف الـــعــتيبي
اولاً صـــــح بدنـــــك وثــــانــياً صــــــح اللســـانــــك علـى هذه الابيات
الــــتــي قــلــتها
وإليك الرد اتـــمـــنا ان يـــحـــوز عـــلى رضــــاك
،،،،،،،،،،،،،،،،،
هلا مرحبا بابيات ً اقوا من الحديد=من احساس شاعرها كتبها ورتبها
بعيدً عن النقصان والزيف والتنقيد=نضمها سميي من ضميره ونجبها
بعد ما قريت حروفها قلت ويش يريد=الدقق بمعناها وافكر بواجبها
ودريت ان قصده يوم فكرت فيه بعيد= عسى الله يكافيه الليال ومصايبها
جهز الهرس
جهز سيف العتيبي07-Jun-2003, 03:11 AM
بعد ما نهـــــزع ثلثين والثلث تل القيد
"="فتحت الفضاااا والشعر يرقا مناكبها
على اطراف حد الشــك ويجاوز التوكيد
"="طواري تمقل زين في عين صا حبها
سميي يبي يسمع سوالف هل التوحيد
"="واناء احكي عن الدنيااا وضحكات حاجبها
على ا لله على الله والقصايد تجيب الفيد
"="من اول عطاياها الى اخر مطالبها
واخذها شهادة حق والعلم بالتفنيد
"="نواياي بيض ولا تحااااااااااول تعاتبها
اسمحي كان دست شي من القوافي
جهز الهرس07-Jun-2003, 05:10 PM
الأخ جهز سيف العتيبي
للأ سف ان القصيده بعضاً منها غير واضح ارجوإعادتها بشكل اوضح
،،،،،،،،،،،،،،،،،،،،،،،،،،،،
(ملاحظه) ضع علامة يساوي عند نهاية الشطر الأول من كل بيت
جهز الهرس08-Jun-2003, 04:50 PM
الأخ العزيز جهز سيف العتيبي
كان ردك عندنا غير واضح والسبب وجود خلل في جهازي وطلبت منك التوضيح ولم يأتي من قبلكم رد
وإليك هذه الأبيات المتواضعه أمل ان تنال إعجابكم ،،،،،
يا بن سيف ماقصرة كثرة فالتجهيد=جميع العلوم الطيبه تستحقبها
يومنك تحمس البن وتقنده تقنيد=اناالعود الازرق جيت به من ابلادبها
مدامك فتحة الصفحه اللي بلا تحد يد=نجيب العلوم الطيبه وانت ترغبها
ابا شرح لك الاوضاع والحال يا ابوزيد=من اسباب راع الـقذ له اللي يخضبها
حبيبً غلاه مخلداً فالحشاء تخليد=جرحني هوأ الغا لي وكبدي مذوبها
مشا حبها في وسط قلبي مع الوريد=عليها العيون القشر دائم متعبها
تفوز بجمال البيض لو يجمعون الغيد=وانا لجلها روحي ونفسي معذ بها
ولو شافها شيخ الفخر تركي بن حميد=تنازل عن الشيخه لغيره بمنصبها
ولو شافها خالد ولد فيصل الصند يد=دفع كل مايملك من المال يطلبها
ولو شافها عنتر وخالد بن الوليد=على شا نها كــلً خـــــيــوله يغير ابها
جهزالهرس
الشقردي محمد16-Jun-2003, 06:27 PM
تسلم وصح لسانك
قصيده رائعه ....... والله ودي اقول شي وامدح لاكن القصيده تجاوزت كل أفاق المدح والثناء
بعطيك الف عافيه وسانتظر دائما جديدك
الشقردي
جهز الهرس23-Jun-2003, 11:40 AM
صح بدنك يا الشقردي
نأسف على تأخير الرد عليك
وشكرأجزيل
