11-May-2006, 04:07 PM
هاذي قصيده قريتها واعجبتني واتمنى ان تحوز على رضاكم والقصيده للشاعر خالد السبيعي
قالوا علام اللون جاء فيـه تغييـر
وجاء فيه من وسم البداوة علامات
مالك ومال اللي يبـون المخاسيـر
ضيّعت مالك بين روحـة وجيـات
خلك مع الأسهم وصنـدوق توفيـر
والبـل تغيّرهـا بشيـك وسنـدات
قنّن مصاريفك على أقـل تسعيـر
وإحسب مصاريف الشهر بالنهايات
قلت البداوة وسمها عـز .. تقديـر
هي كارنا واشموخنـا والشعـارات
فيها دروس الصبر والطيب والخيـر
وفيها دروس المرجلة والكرامـات
بـدوٍ خلقنـا الله وفينـا صعاطيـر
نرقى المعالي نحتمي عـزة الـذات
نكرم سبال الضيف مع زين تعبيـر
وخوينا والجـار يلقـى المسـرات
بدوٍ نخيل المزن في صبح وعصيـر
وهاذي لك الله وحدها رفع هامـات
والبل خلقها الله بحكمـة وتصويـر
ولها معزة من عصـور البدايـات
فيها انتخا عنتر وابو زيـد والزيـر
ومن شانها قامت معارك وغـارات
واليوم ما نسمع نصايحك يا مشيـر
وعلمك ما والله هز ليـه قـرارات
هـاذي نياقـي دقهـا والمعاشيـر
ولي فاطرٍ تسوى كنوز وعمـارات
ينساح بالي ما يجـي فيـه تعكيـر
لاجيت قدم الـذود أغنـي بشيـلات
ورزقي على اللي يرزق الذر والطير
الـرزق بيدينـه ولا فيـه شكـات
ولاني بمن يلهث لجمـع الدنانيـر
اللي عن الواجب يجي فيه صـدات
عذر البخيل النهي عن كـل تبذيـر
يحرص على السنة في ذالعلم بالذات
قالوا علام اللون جاء فيـه تغييـر
وجاء فيه من وسم البداوة علامات
مالك ومال اللي يبـون المخاسيـر
ضيّعت مالك بين روحـة وجيـات
خلك مع الأسهم وصنـدوق توفيـر
والبـل تغيّرهـا بشيـك وسنـدات
قنّن مصاريفك على أقـل تسعيـر
وإحسب مصاريف الشهر بالنهايات
قلت البداوة وسمها عـز .. تقديـر
هي كارنا واشموخنـا والشعـارات
فيها دروس الصبر والطيب والخيـر
وفيها دروس المرجلة والكرامـات
بـدوٍ خلقنـا الله وفينـا صعاطيـر
نرقى المعالي نحتمي عـزة الـذات
نكرم سبال الضيف مع زين تعبيـر
وخوينا والجـار يلقـى المسـرات
بدوٍ نخيل المزن في صبح وعصيـر
وهاذي لك الله وحدها رفع هامـات
والبل خلقها الله بحكمـة وتصويـر
ولها معزة من عصـور البدايـات
فيها انتخا عنتر وابو زيـد والزيـر
ومن شانها قامت معارك وغـارات
واليوم ما نسمع نصايحك يا مشيـر
وعلمك ما والله هز ليـه قـرارات
هـاذي نياقـي دقهـا والمعاشيـر
ولي فاطرٍ تسوى كنوز وعمـارات
ينساح بالي ما يجـي فيـه تعكيـر
لاجيت قدم الـذود أغنـي بشيـلات
ورزقي على اللي يرزق الذر والطير
الـرزق بيدينـه ولا فيـه شكـات
ولاني بمن يلهث لجمـع الدنانيـر
اللي عن الواجب يجي فيه صـدات
عذر البخيل النهي عن كـل تبذيـر
يحرص على السنة في ذالعلم بالذات
