17-May-2006, 01:30 AM
بسم الله الرحمن الرحيم
يوم كلن قال ودي فالزمان وودي=والتمني في كثير احيان ماله خانه
قلت ودي مجهمٍ يوم الوصوف تعدي=وصفها ماكل شاعر ترجمه بلسانه
ظافية برطم عريضة لحي زينة خَدي=خشمها نابٍ شوي وكنها زعلانه
واذنها ذيبٍ على رجمٍ طويل معدي=ورقبتها من مجاميع اللحم عريانه
كن بين عضودها شلفاً حديدة حدي=بارزٍ نسنوسها ومتونها مليانه
فخذها بابٍ من الحجم العريض مصدي=لونهااسود والصفار مداخلٍ فالوانه
جنبها جزلٍ عريضٍ بارزٍ ممدي=كنها بيبان جيبٍ شلحو بيبانه
اهزعٍ عرقوبها عنه النظر ماصدي=ماتوفيها حقوق الزين كلمة زانه
ذيلها يقصر عن العرقوب شبر بيدي=مبدعٍ في خلقها خلاقها سبحانه
شوفها تمشي ورى الراعي يبيح سدي=كنها عنتر ليامنه نطح عدوانه
وشوفها فمراحها قبل الرحال تشدي=بيت بدوٍ طارحين اثنين من عمدانه
لو تكلم كان قالت مابه احدن قدي=شايله كل الشموخ ورافعه منشانه
للشاعر الكبير / حزام بن سعود العصيمي
يوم كلن قال ودي فالزمان وودي=والتمني في كثير احيان ماله خانه
قلت ودي مجهمٍ يوم الوصوف تعدي=وصفها ماكل شاعر ترجمه بلسانه
ظافية برطم عريضة لحي زينة خَدي=خشمها نابٍ شوي وكنها زعلانه
واذنها ذيبٍ على رجمٍ طويل معدي=ورقبتها من مجاميع اللحم عريانه
كن بين عضودها شلفاً حديدة حدي=بارزٍ نسنوسها ومتونها مليانه
فخذها بابٍ من الحجم العريض مصدي=لونهااسود والصفار مداخلٍ فالوانه
جنبها جزلٍ عريضٍ بارزٍ ممدي=كنها بيبان جيبٍ شلحو بيبانه
اهزعٍ عرقوبها عنه النظر ماصدي=ماتوفيها حقوق الزين كلمة زانه
ذيلها يقصر عن العرقوب شبر بيدي=مبدعٍ في خلقها خلاقها سبحانه
شوفها تمشي ورى الراعي يبيح سدي=كنها عنتر ليامنه نطح عدوانه
وشوفها فمراحها قبل الرحال تشدي=بيت بدوٍ طارحين اثنين من عمدانه
لو تكلم كان قالت مابه احدن قدي=شايله كل الشموخ ورافعه منشانه
للشاعر الكبير / حزام بن سعود العصيمي
