من قصايد الشاعر كديميس بن صالح

انتقد جماعة من الناس الشاعر كديميس عندما تدخل فالقصايد التي جرت بينه وبين شعراء حرب وقالوا ان الشي الذي حصل لايعنيه وانه مخطي بتدخله فالموضوع ولو انه يستعمل قصيده فالمديح احسن له من الدفاع عن القبيبله لانه يمكن يعود عليه بمدخول مادي

فقال كديميس هذه القصيده ردٍ على عليهم [/color]


هات القلـم ياللـي تجيـد القرايـه
واكتب على الصفحه بيانن بتفصيـل
للي حذف له هرجتـن فـي قفايـه
والهرج له سامـع وراوي وتسجيـل
وللـي يبـا رايـي تبيـعٍ لـرايـه
يقـول برنامجـك يحتـاج تعديـل
قله تـرى مانيـب شاعـر دعايـه
ولا اخذ على نظم القوافي محاصيـل
مالـي بترويـج القصايـد هـوايـه
ولا هدف في كثـرة القـول والقيـل
الا لازادت عـلـوم خصـمـايـه
وكثرت بصندوق البريـد المراسيـل
والحذف من دونـي وشـيٍ ورايـه
وغنتبهـا فـوق الجريـد البلابيـل
رفعت لي من بيـن الاعـلام رايـه
وللبيت عمدانـه وللحـرف تحليـل
وضربت مابيـن العيـون بعصايـه
لابان غيض هل القلـوب المغاليـل
واليا ركب فـوق المحالـه رشايـه
يبـا يدلـن الجـمـال الجـواديـل
والمجتمـع يحكـم علـى مستوايـه
لا جاء المجـال وميـزوه الريجيـل
وفالناس شاياتـن وانـا فـي شايـه
ماني عن واجب هل الواجب بخيـل
اقـوم بالواجـب بمعنـى العنـايـه
واعرف مقام البدر والجدي وسهيـل
واعرض عن المعرض وراع الوشايه
ولاني باصد عن الوجيـه المقابيـل
ولا يشتكـي منـي رفيقـي خطايـه
وصديقي اصدق معه لو طول الطيل
مـدام واف لـي يحصـل وفـايـه
رفقة شرف مـا يعتريـه عراقيـل
قومي هل المعروف واهل الرعايـه
الواجبـات اللـي عليهـن دواليـل
عتبـان يزبنهـم كبيـر الجنـايـه
لا مالقـى عنـد القبايـل مداخيـل
يـوم الحرايـب يحكمـون الرمايـه
لا جاء المفاهم من خشـوم المفاتيـل
يـوم القبايـل عندهـم نجـد غايـه
ولا امتـداده معتلـج قـرح الخيـل
وسنه نسنـه مثـل شمـس المرايـه
بهجـنٍ مشاويـحٍ وخيـلٍ مشاويـل
اخذوا على المثنـاه صـك الولايـه
من محكمة حدب السيوف المصاقيـل
وصارو لها عن كل طامـع حمايـه
ومن دونها شربوا رهيـب الفناجيـل

والقصيده اطول من ذلك

صح لسان كديميس

وبيض الله وجهك يابن رايس

لاهنت

لاهنت يالغالي


تحيااااااااااااااااااااااااااااتي

لا هنت يالغالي
تقبل تحياتي
أخوك سعود النفيعي

صح السان الشاعر العظيم كديميس العصيمي
وتقبل التحيه

صح السان الشاعر كديميس العصيمي

ولاهنت اخوي على النقل وماقصرت

نشكركم جميعاً على المرور ولاهنتوا على الردود الطيبة ياكرام اللحا وبيض الله وجيهكم جميعاً

نشكركم على المرور والردود الطيبة وجعلكم دوم حاضرين

اخوي ابن رايس


لاهنت والله يعطيك العافية

حياك الله يابن عاصم نشكرك جزيل الشكر على ردودك الطيبة