عين العقل

للتواصل ,, والعذر






يقولون ( عين العقل ) واقول (عقل وعين) = ليا اجتمعت الثنتين في شخص يازينه !
وانا استبعد ألقى فآدمي هذي الثنتين = ومن فيه هذيّه تباين براهينه !
ولاهو بكامل لو خلقه الله ابقلبين = ليا خالقه ماجمّله صار ياشينه !
لكن الكمال لخالق ابن آدم امن الطين = هذا عقله ايغرّه ..وذا خانته عينه !
هذا ماطرالي والحقايق تجي بعدين = وخط الرساله واضح ٍ ..من عناوينه !
ياكثر المجنّن / كل ما اتذكّر الصاحين = زمان ٍ مجانينه طغت فوق صاحينه !
وياكثر الكلام الشين .. واهل الكلام الشين = وعسى الله يساعد راعي الصبر ويعينه !
على وين رايح ياقليل المعرْفه وين = رفيقك تذمّه ليه ! وش بينك وبينه !
ماتدري ان هرجك فالقفا ياغراب البين = يحمّلك ذنب / وهو تثقل موازينه !
ابو وجه واحد / ماحسب لك يابو وجهين = مسميك فعلك / والنشاما مسمينه !
بنيت اغلب ارائك على الضن والتخمين = وهذا مسوينه / والآخر مسوينه !!
ألين ابتلشت بنفسك وصرت بين وبين = تحسب ان راع الشر تفلح معاوينه !!
وانا والله اني بالحكي ما ألحق المقفين = لو انه ليا قفيت قرّب سكاكينه !
اسامح وادوّر عذر للجاهل المسكين = ماودي ان بعض الناس تركض شياطينه !
واقدّر واجامل حشمة أصحابي الغالين = ومن لا حمل زلاتهم شلّة ايمينه !

محمد بن رشيد



درة جميلة صغتها بفكرك



صح لسانك

يامرحبا يا ابو مالك

حييت وحي ما جبت

صح لسانك يا محمد

يعلم الله انك من الشعّار اللي استمتع بقراءة نصوصهم

لأنها دائما ً تحتوي على صور شعريه جديده و فكر مميز

ما أقول غير دمت ودام ابداعك

احترامي

طيب طيب

صح لسانكــ ياوبو مالكـــــ



لاهنت

..
جزاله يامحمد ..
سعدت بقراءتها ومنها استفدت
لله دركـــــ .....

الله الله



صح لسانك يا بو مالك مدد بلا عدد

( عين العقل ) واقول (عقل وعين)
ليا اجتمعت الثنتين في شخص يازينه



ابدااااااااااااااااااااااااااااااااااااااااااااااا اااااااااااااااااااااااااع

عزالله ابداع ماهوب مستغرب منك

صح لسانك حتى ترضى

قصيده رائعه جدا بكل ماتحمله من كلمه

الله يابو مالك

لاتأتي الا بالدرر

صح لسانك وماشاء الله عليك


محبك