غادة الحسن

يا سلامٍ نبتدي به علّ يوصلهـا السـلام=بعد طيب من التحيّـة بعـد فـل ّوعنبـرا
يا رسالة من رسايل في رسايلنـا الغـرام=كل حب وكـل ودّ وكـل عهـد مسطّـرا
كل حرفٍ يشهد إنّا نسل من نـاسٍ كـرام=لا نخون ولا نهـون ولا نبيـع المشتـرا
خانت الدنيا مساعي كل نـذلٍ يـا سـلام=ما يعود النذل يحكـي أيّ هـرجٍ مفتـرا
علّم اللي جاهلٍ بالحب يـا طيـر الحمـام=علّمه صبر الرجـال وكـل شـي مقـدرا
ضاقت الدنيا وزانـت نحمـده ربّ الأنـام=بعد ضيقٍ بعد عسرٍ بعـد صفـو مكـدرا
حلّ عيدي في وريدي بعد ما كان الظـلام=عمّ نورٍ عـمّ خيـرٍ عـم ّيسـر ميسـرا
الله اللي يستر العشاق مـن كيـد اللئـام=نطلبه سترالكريم وصبـر أكبـر وأكبـرا
يا حياتي يا غلاتي أنتِ يـا بـدر التمـام=ليه حسنك تقتلينه في مهـاده يـا تـرى؟
إرفعي عِزّة هوانـا وإنزعـي ذلّ اللثـام=ما عملنا الشين حتى تستحين من الـورى
يعلم الله بحبنا مـا قصدنـا بـه الحـرام=كل ما في الأمر قلبي حب قلبك وش جرى؟
إيه أسولف في جمالك وأنتقي عذب الكلام=لا كتبت في سيّرتك جوّ شعـري تعطّـرا
العيون الحور وأحلى طيبها ريح الخـزام=من خـدود وردهـا مـن حياهـا أحمـرا
وردتيـن ناعمـة بينهـا حـدّ الحسـام=و الحلى كلّـه بفمهـا لا تبسّـم يسحـرا
و الجدايل قامتين شُقـر داخلهـا العتـام=كنّها ليل وسحاب ووسـم فجـرٍ أشقـرا
والبهاء والنور شمسٍ تكتسي ثوب الغمام=يوم تحجبها الغيوم ويـوم تبـدي تجهـرا
غادة الحسن المدلل وصفها فـوق المقـام=فرقها فرق الثريّا عن شبيهـات الثـرى
أسأل الليل الطويل قال لي المحظـوظ نـام=وأنت ساهر تحتريها خايفٍ لحظـة كـرى
قلت كيفي بنتظر مـا يزعزعنـي المـلام=طيف حبي زارها فـي المنـام ومـادرى
الدقايق بالوثايـق والشعـر وزن ونظـام=والمشاعر في العيون وفي الرسايل تنقـرا

صح لسانك قصيدة رااااااائعه