تــــرا راشد ما هــو مدهوش لكنه معه رقله حبيب وراشد السحيمي

حبيب العازمي



سلام الله سلام الشاعر اللي ما فقد عقله
يعرف الحربي الاول قبل ما يعرف الثاني
انا ادور على راشد واحسبه من وراء العقله
واثر راشد عليه الكوت الاصفر عند جيراني


راشد السحيمي


هلا يا مرحبا يا شاعر ٍ كل ٍِ يصفق له
لكنه لو تحدا الكون كله ما تحداني
لبست الكوت الاصفر وانت جنبي لابس الدقله
لكن الجن لهالحين في حكمة سليماني



حبيب



انا قابلت لي فارس سيوف النصر تبرق له
وراشد لو عدا وانا اتقهوى ما تعداني
والا يا حرب راشد خان عهده واعلنوا نقله
لكنه لا يروح بعيد يعني حول جيزاني



راشد


حبيب لو يشيل الضلع شاف الضلع وش ثقله
لكن العازمي صاير مثل ناقة عريماني
ترا ما فيه احد برا ينافق لك تنافق له
اظنك يا حبيب تنبش الاسباب بالعاني


حبيب


صقلك حصان ابو عرام واوي لك من الصقله
واخاف ان الوحوش الثانيه تصقلك من داني
ترا راشد ماهو مدهوش لكنه معه رقله
ولكن الحروب حروب والسحمان سحماني


راشد



يجيك حصان ابو عرام جمع له وفرق له
اخبرك سابق ايامك بليا سرج وحصاني
حبيب عاشق الفتنه وشيطانه يعشق له
لكنه لابغى الفتنه يدورني ويلقاني



حبيب

عساه ان ما لحق في خير يا راشد تلحق له
انا خابر يمينك طايله لطوال الايماني
ابو عبدالله يقص الورق واللي يلصق له
من عيال الشياطين الكبيره ورع شيطاني



راشد


تراك يجيك قسمك يا حبيب وش تسابق له
يميني ما عليها الا الشحم واكل مع اخواني
حمولك يا حبيب واجده نقله ورا نقله
ولا يقدر يشيل الحمل غير الحر شقراني

..


الله الله ..


صح لسان حبيب ولسان راشد ..


لآهنت يالمثالي ع النقل ..

,,,

محاوره كبيره بين عمالقه
ولا يقدر يشيل الحمل غير الحر شقراني

ولكن غريب ان يصدر هذا البيت من راشد
حر اشقر ويشيل الحمل :)!!
مشكور يالمثالي

محاوره كبيره بين عمالقه
ولا يقدر يشيل الحمل غير الحر شقراني

ولكن غريب ان يصدر هذا البيت من راشد
حر اشقر ويشيل الحمل :)!!
مشكور يالمثالي

الحر شقران هو البعير ياخوي السعد

تحياتي

محاوره كبيره بين عمالقه
ولا يقدر يشيل الحمل غير الحر شقراني

ولكن غريب ان يصدر هذا البيت من راشد
حر اشقر ويشيل الحمل :)!!
مشكور يالمثالي



بعير حر واسمه شقران ميه ميه :)

لاهان من شرفني بمروره