طاح القناع

لست شاعر
ولكن سطور بسيطة (نظميه)

اتمنى تنال ولو القليل من الرضا والاعجاب هنا

مع فائق الموده للجميع..


طاح القناع وبان وجه الرفاقه=وانكشفت اصحاب الحيل والمحايل
وجه المنافق يخبرك عن نفاقه=لاقام يتلوّن ويعمل عمايل
يمشي برجله في طريق الحماقه= حتى تردى في مهاوي الفشايل
ياكثر مجهوده على غير فاقه=مثل الشجر لاجاك ماله ظلايل
نازل وطالع بالعلوم الدقاقه=علوم ماترضي قروم القبايل
واليوم يطري لي عهود الصداقه=كنه تناسى العام وش كان قايل
لوكان يهديني من الورد باقه= الشك في شرواه ماهو بزايل
لأنه عرض دقنه لموس الحلاقه=واول يحدّث بالتقى والفضايل
وينصح لنا من قلب كله شفاقه=اثار من بعد المسايل مسايل
من بعدما قطّع حبال العلاقه=اظهر لنا الخافي وسوّى الهوايل
والهرج يعرف وجهته من سياقه=لو كان ينظم في سطورا قلايل
اللي ردي يوم السعد في فراقه=لوكان ماله كثر وبل المخايل

صح لسااانك يافهد ..



قصيده رائعه



تحيتي لك
..

صح لسااانك يافهد ..

تسلمون احبابي

لاهنتم على مروركم العاطر

..

.

طــاح القـنـاع وبــان وجــه الرفـاقـه
وانكشفت اصحاب الحيل والمحايل
وجـه المنافـق يخـبـرك عــن نفـاقـه
لاقـــــام يـتــلــوّن ويـعــمــل عـمــايــل
يمشـي برجلـه فـي طريـق الحماقـه
حتـى تــردى فــي مـهـاوي الفشـايـل

حبكة شاعر متمكن يافهد
بسم الله ماشاء الله
مليون صح لسانكــ على هالدره ....

لوكان يهديني من الـورد باقـه
الشك في شرواه ماهـو بزايـل
لأنه عرض دقنه لموس الحلاقه
واول يحدّث بالتقـى والفضايـل




ياسلام ياسلام "



يافهـــــــــــــــــــــد


شاعر وجزل طال عمرك "


صح لسانك "

في انتظار القادم

صح لسانك واعتلا شانك ابيات رائعه تقبل مروري

لاهنتم يالقروم

مروركم شرف

واطراءكم وسام

تقبلوا فائق مودتي

كل هذا وتقول سطور بسيطه


صح لسانك مدد بلا عدد


وحط في بالك إن الطيب تدمح له ثمانين زله