((الوقت رحلة والتجارب محاصيل))

الوقت رحلة والتجارب محاصيل=والفرق بين فالليالي والايام
واليوم في بالي نصيحة رياجيل=عساء تفيد بكل عام(ن)وراء عام
الدين الاول وأحفظه بتكاميل=والدين له سيسان كاركان الاسلام
شهادةالله والله أكبر بتهليل=وصل الصلاة الواجبه يابن الكرام
وايتاءالزكاة بوقتها ووفي الكيل=وصم رمضان وربك يعين من صام
ثم حج كاننه يطيع الك الاسبيل=والله هو اللي يغفر الذنب ياغلام
وطع والديك اللي سعوا لجلك بحيل=وربوك والهم في مسرتك الاحلام
ثم غيرها لاتنقل القال والقيل=ثم (ن)يقولون العرب عنك نمام
أقفل على الهرجه بصدرك بقافيل=والصمت حكمه من جزيلات الاحكام
والمجلس اللي فيه ضوضا مهابيل=كلن يسولف ماش منهج ولا انظام
خله ورح يم الرجال المشاكيل=اللي سوالفهم ملذاتها اطعام
وأعرف ترى الدنيا ومن فوقها يزيل=ولادايم الا اللي على السر علام
الم ترى قد عذب الله هل الفيل=بحجارة(ن)فيهم كبيرات الاحجام
حنا على الدنيا خلقنا بتمهيل=لجل نعبد الله ولي كل الانام
نمشي مع الدنيا سوات الرحاحيل=وعمر الفتى لوطال يعنك مادام
بكره يجي في مضلم(ن)كنه الليل=نصايب وقبره ولبس(ن)من الخام
عن العمل يسألونه بتسئيل=وكل الذي سواه يلقاه قدام
وختامها وعداد برق المخاييل=وعداد لاعدوا جميعات الارقام
صلوا على اللي سهل الدين تسهيل=على نبي(ن)قد محى كل الاصنام
وسلامتكم