استغفر الله.....

:




::





:::

:







::



:::

أستغفر الله هاتها والتوبة = ما عاد أبيك تعيدها من ثاني

وإن عدتها حلـّـت عليك عقوبة =و الله ما تسلم سياط لساني

أموت رقة و أنجرح بعذوبة = يا هوه خاف الله ولا تبلاني

شوفتك ماهي غايتي المطلوبة =دامت خيالك مستحل أعياني

الغاية اللي في الحشا محجوبة = بيـّـحتها للناس من ما جاني

ما اريدها سرقة ولا مغصوبة = يمداك وإلا قول ما يمداني

وش غاية المحبوب من محبوبة =لا صار يضحك بي ويتحداني

الجادل اللي من ورى عرقوبه=يستر بياضه عن عيون أقراني

يكذب عليـّـه والعجيب اسلوبه =يحبني و أحيان ما يبغاني

عنـّـي احبه و أستسيغ كذوبه= أمسح خطاه بطيبتي وإحساني

أحب صوته لا دعاني صوبه = وأحب اسمه واسم به سماني

وأحب ريح العطر في مكتوبه = وأحب لونه يستفز ألواني

و أحب درجه حين يرفع ثوبه = وأحب هرجه والغنج مجاني

و أحب لعبه لاإحتضن دبدوبه= و أحب حزنه في الخلاء وحداني

راضي بشخصه لو تزيد عيوبه = تعمى عيوني عن خطأ خلاني

,,


صح لساااااااااااااانكـ

واعتلا شااااااانكــ,,,,,

صح لسانك يا الثبيتي

ويعطيك العافيه

محمد الذيابي


صح بدنك ولا هنت

مرور غالي

صح لساااااااااااااااااااااانك

عايض العصيمي

صح بدنك

و لاهنت على المرور الغالي