((((((((( وضـــــحـــــى ))))))))) للشاعر محمد النفيعي

احدي روائع الشاعرالكبير محمد النفيعي
احبها بن وقدوع ومعاميل =
ونار اجودي لا عسعس الليل شبت
واحبها صفة دلال وفناجيل =
في مجلس بالطيب ساسه تثبت
وضحى ويانخوة شيوخ الرجاجيل=
وانفاس ريح بغانم العلم هبت
حبيبتي وأن صار مدح وتفضيل =
شيهانة في عز أبوها تربت
احتاجها قبل القمر ينشد الليل=
عن مزنة في بيد الأحزان صبت
مثل الوطا ماحن لمعانق السيل =
مثل القلوب اللي تصافت وحبت
ان جات بدموعي مسحت المناديل=
اليا دعاها صوت قلبي ولبت
وان فاض نعناع الحيا واغرق الهيل=
داخل عيوني عن عيوني تخبت
وضحى وياكل اختصار التفاصيل=
اللي خذت من كل زين وكبت
يفداك كل اللي من الشعر قد قيل=
يامن رمت شال القوافي وذبت
وضحى وياصفة دلال وفناجيل =
ونار اجودي لعسعس الليل شبت
للشاعر / محمد النفيعي

صح السانك والسان النفيعي

قصيده جزله

تسلم يمناك

تحيااااااااااااااتي

صح بدنك يالدلبحي وسلمت اخوي على مرورك الكريم تحياتي.

لاهنت ويعطيك العافية
وصح السان النفيعي

تحياتي

الله يعافيك يالمورقي مشكور على المرور الكريم تحياتي لك.

فيصل المسعودي

سلمت يمينك وصح لسان النفيعي قصيده جزله

وأختيااار أكثر من رااااائع

تقبل تحيااتي

ماجد الهذلي مرورك الكريم وقراءتك للقصيده هو الرائع تحياتي لك.