اعظم رجل عرفته الدنيا

هذه الأبيات لتها بمناسبة استظافتة الحرس الوطني لمعرض سيرة اعظم رجل عرفته الدنيا محمد صلى الله عليه وسلم





الحمد لله ختمنا معرض السيره = سيرة محمد ولد هاشم رسول الله


اللي نصلي عليه بكل تكبيره = الصادق المصطفى خير البشر كله


اللي سما بأمته هديه وتبشيره = يرشد غشيم البشر للدين ويدله


صلاة في مسجده تسوى الف في غيره = فضل(ن) عظيم وكل الناس تفطن له


بقلوبنا مختلف حبه وتقديره = لو عذربوا به عداء الإسلام والمله


وحيوا معي صاحب الفكره وتدبيره = الله يجزيه من خيره ويجزله


اللي بذل جهد ماريح مشاويره = الدين يتعب على شانه ويبذله


مصخر(ن) للنبي وقته وتفكيره = ماستهوته لفة الاسواق مع خله


والشكر موصول مع مسكه وتعطيره = والعود الأزرق وفنجال (ن) من الدله


للقائد اللي يسر الصدر تعبيره = الدين يدعم نشاطاته ولا مله


ومن الحرس شكر لا صتفت طوابيره = للي سعى فيه من دقه ليا جله


وصلاة ربي عدد ماخط من سيره = على محمد ولد هاشم رسول الله

اللهم صلى على محمد وعلى اله وصحبه


صح لســـــــــانك

صح بدنك ياخو جوزاء مشكور على المرور

صح لساااااانك اخووووي مشكووووور