الى الشاعر ماجد الهذلي ...... مع التحية
فرعون21-Jul-2005, 06:03 PM
مساكم الله بالخير يالربع اسمحولي بأول مشاركة لي عبر المنتدى بان اطلب الشاعر ماجد الهذلي فليتفضل مشكوراً :
سلام الله عليكم ردتن يصدح بها فرعون = تجي من هاجس الطرقي ليا من شاف طرقيه
الا ياماجد ابنشدك جيرانك وش ايقولون= بعضها صدق واكثرها علوم(ن) دون ماريَه
ماجد الهذلي21-Jul-2005, 06:40 PM
مساك الله بالخير ويا هلا ويا مرحبا بإسمي وبإسم
جميع مشرفي وأعضاء وزوارالهيلا
وأستلم لا هنت
هلا يا مرحبا وأسمك لعله بأقشر الطاعون = على ما قيل فالأيام لا هذي ولا ذيّه
تسمع في علوم الصدق هات اللي عليك يهون =ورتب فالعلوم اللي يجي ترتيبها ليّه
فيصل المسعودي21-Jul-2005, 06:44 PM
فرعوووووووون
ماجد
متابعين وووااااصلوووووووووووووواااا
فراج القرقاح21-Jul-2005, 07:20 PM
طيب طيب ....
فرعــــــــــــــون × مــــــــــــاجد ....
واصلووووووووووا ومتاااابع ....
ماجد الهذلي21-Jul-2005, 07:43 PM
فيصل المسعودي
هلا وغلا بمرورك
==========
الداهيه حياااك
آنست وشرفت
تحياااتي لكم
فرعون21-Jul-2005, 09:31 PM
الله يبقيك يا طويل العمر واستلم :
يدوم الك البقا لكنَ انا ماظنتي تبقون = عسى الهذلان لا جوا للملك نيرانهم حيه
انا ادري لكن الجاهل يغرَه بعض ما تقرون = واذا صدَق مصيبه والعرب تدري عن النيه
فرعون21-Jul-2005, 09:33 PM
الاخوان :
فيصل المسعودي
الداهيه
اشكركم على الاطلالة البهيه ومقدرين متابعتكم .
ماجد الهذلي21-Jul-2005, 11:04 PM
تبا طعم التحدي والتحدي يا ولد مقرون = وملكك فوق نفسك وأنتبه للنار والكيّه
مدام إنا قرينا يا عميل الخير لا تنسون = قرايتنا ترها تشفي المجنون والعيّه
فرعون22-Jul-2005, 04:40 PM
اسمحلنا على التأخير البارح احتريتك ياماجد احتريتك كان ودي نخلص من امس لكن جا موعد استلامي وانت مارديت والليلة ما عندي شغل الا انت .
وانشاء الله نتواصل معك بهالليلة ياماجد واستلم :
عجب جحدانكم يا هل مصر للدين والمديون = من اول تتبعونا قدم خلق الله علانيه
الا منك فهمت العلم قلنا : " فاهم الملعون " = ولكن يالهذيلي فهمكم عشرين بالميه
ماجد الهذلي22-Jul-2005, 11:46 PM
يمكن إني تأخرت .. والله مدري
وأحيان ما أكون موجود أكون خارج النت بس ما أسجل خروج
بإسم فرعون وشبك تفتخر ياهن ابن هنهون = أثر مالك قبيله مير دمك صار فيديه
يسيل السيل وأنته يا ولد فالسيل بالماعون = وتملى منه ماعونك مع الروحات والجيه
فرعون23-Jul-2005, 12:20 AM
مسموح ياماجد واستلم :
انا دوم اعتزي بالعبدليه من نسل ميمون = يا كم شيخ(ن) من افعول العبادل فيـــه مرثيه
يسيل السيل ولا ما يسيل الفوز لي مضمون = وانا اللي بارد عدودك وابنثر وسطها الميه
ماجد الهذلي23-Jul-2005, 01:02 AM
الله الله
هلا بك يالمطير وأنت لي فزعه وأنا لك عون = تبا تثبت لك الأيام والأخبار مقريه
أنا بحرف مسيل السيل عنك ولا يجيلك لون = لكّنك لو نويت الشر يسري بك مع الهيه
الايداء123-Jul-2005, 04:44 PM
]شعار متميزين بالشعر ونحن من يستفيد من شاعريتكم واااااااااصلووووووو المحاوره لازالت تجذب الشعار .
وأنا بصفك ياماجـد ولا هان ملك الفراعنه . هههههههههههههه أمزح ؟؟ ولا هان فرعون مطــــــــــــير
تحيــــــــــــــــــــــاتي .[/color]
ماجد الهذلي23-Jul-2005, 07:11 PM
هلا أخوي الإيداء
الشرف لنا بمتابعتك
تحيااااتي
فرعون23-Jul-2005, 10:05 PM
طيب طيب
انا مانكر كلامك لا لفانا صدق بالقانون = ترى ايَت رجل صادق وده يصادق رجل زيه
وانا شر(ن) على اللَكَيـــــع تبـــَاع الذي يخطون = عسى منت بلكيع وتفهم الصفحات مطويــــــــــــــــــــه
ماجد الهذلي23-Jul-2005, 11:23 PM
الله الله
تراي أقدر الصاحي تراني رابط المجنون = وبعض الناس لو يمشي تشوف الرجل ملويه
تقوله وأنت يا فرعون لك إلسان وإلك عيون = وصادفك الخطر يا صاحبي وأحداث جويه
محمد العتيبي24-Jul-2005, 01:32 AM
صح لسانكم ولا هنتوا
معنى جزل ... وطاروووووووق ممتاز .... واصلوا ... وانا معكم .
ماجد الهذلي24-Jul-2005, 12:04 PM
هلا ببو مشعاب
حياك الله ومقدرين متابعتك يالغالي
تحياااتي
فرعون24-Jul-2005, 07:31 PM
مرحبا في الاخ ابو مشعاب
وشكرا على اطلالتك البهيه .
فرعون24-Jul-2005, 07:38 PM
صح لسانك يا ماجد وتشرفت باللعب معاك
ولنا لقاء آخر باذن الله بالوقت المناسب لك ولي وانشاء الله اتكون محاوره
على الهواء مباشرة " live " يعني .
ولك مني جزيل الشكر مع فائق تحياتي ،،،،
ماجد الهذلي24-Jul-2005, 10:36 PM
الشرف لي أنا يالغالي
وأتشرف باللعب معك في أي وقت صح لسانك
وسلمت يالغالي
تحياااتي
