تعال يالفالح لاهنت
الشمالي الغربي18-Nov-2005, 09:31 PM
الاوله سلام واخص الرفيق ابن الرفيق=والثانيه ياليل طول وياشياطين اهجدي
يالفالح اطلب ربك المعبود فى البيت العتيق=وابعد عن اخفاف العقول ولاتقابل مبتدي
علي فلاح العضياني18-Nov-2005, 10:11 PM
والثالثه يا مرحبا ترحيب بالطيب يليق=والرابعه يا نو خيًل يا معاصير اركدي
عز الله أبرك من مقابل صاحب القلب الفتيق= والعاقل اللي عن طريق المعرفه ما يحتدي
الشمالي الغربي18-Nov-2005, 10:23 PM
الك البقا ياشاعر(ن) عديت في قمة طويق=مد اليدين ونوش نجم سهيل وتنوش الجدي
لاتشرب الا جم صافي منبعه نبع(ن) عميق=اكبر جريمه خوة الطيب مع الوجه الردي
علي فلاح العضياني18-Nov-2005, 10:52 PM
خابرك من ربعن ليا قاموا يردون الوسيق=انته وانا في حاضر الميقاف ضد المعتدي
يعنك من يفطر على شقفة بصل ما فك ريق=وليا نصانا مثلك وشراك ننصاه نعدي
مرزوق حمدان العتيبي18-Nov-2005, 11:00 PM
...
.
الشمالي الغربي و الفالح ...
هنا الابداع
وهنا التميّز ...
صحت السنتكم ياشعارنا ..
متابعين بشوق و اعجاب ..
..
فارس الضحياء18-Nov-2005, 11:05 PM
الشاعر الشمالي والشاعر الفالح
للمحاوره طعم أخر عندما تتقابل هامات شعر المحاوره من أمثالكما
واصلو ونحن متابعين بشوق
الشمالي الغربي18-Nov-2005, 11:08 PM
من يعتدي مجنون لابده ليا جانا يفيق=رد الخبر رد الخبر علم هذاك الأجودي
قل يحمد الله قبل لايحمل حمل ماله يطيق=واشهد على ما اقول والله خير شاهد يشهدي
الشمالي الغربي18-Nov-2005, 11:13 PM
مرزوق العتيبي
هلا وغلا نورت الصفحه
احترااااااااااااااامي وتقديرررررررررررررررررري
مرزوق حمدان العتيبي18-Nov-2005, 11:13 PM
من يعتدي مجنون لابده ليا جانا يفيق=رد الخبر رد الخبر علم هذاك الأجودي
قل يحمد الله قبل لايحمل حمل ماله يطيق=واشهد على ما اقول والله خير شاهد يشهدي
الله الله
..
تراني في صفك يالشمالي
والله الله في الفالح :)
الشمالي الغربي18-Nov-2005, 11:14 PM
فارس الضحيا
هلابك يالغالي
شرفنا مرورك
لاهنت
الشمالي الغربي18-Nov-2005, 11:16 PM
مرزوق العتيبي
اتشرف بوجودك في صفي خلك عندي لاتروح .............
احترامي لمقاااااااااااااااااااااااامك الغالي
علي فلاح العضياني18-Nov-2005, 11:22 PM
هذاك شاله يا وسيع المعرفه سيل العقيق=من يعترض للسيل ما يدري عن اقصاه يغدي
واللي بكبده غش تصبح من فعايلنا فحيق=مخايلن ربي منزلها صواقع وبردي
علي فلاح العضياني18-Nov-2005, 11:33 PM
مرزوق ما تعلمني يومنك كل ما شفتني العب مع احد جيت ضدي
والله يا ظني لو العب مع شارون لاظلي ترقص في صفه |194||194|
هههههههههه ههههههههههه
عموما لاهنت انت وفارس الضحياء
الشمالي الغربي18-Nov-2005, 11:40 PM
الفالح المعذره على التأخير انقطع الاتصال
بلوى(ن) بلانا الله بها معترضة(ن) وسط الطريق=اما نسويها سليق او شوي والا .. لا.. ندي
الشعر ماهو شوت كوره شوت ويشجع فريق=الشعر فتل نقض والشاعر يعرف المقصدي
الشمالي الغربي19-Nov-2005, 12:06 AM
الفالح تشرفت بمقابلتك
اعرف ان الوقت متأخر كفيت ووفيت يالفالح وتصبح على خير
ولنا لقاء ان شاء الله تعالى
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
