جمجمة تركي بن احميد ترد اباعر الحربي

بسم الله الرحمن الرحيم
هذه قصةواقعية تحدث بها كبار السن كثيرا وموجوده في الكتب حاليا

انه كان هناك حربي من قبيلة حرب المشهوره وكان عازب في اباعره بجوار

ضلع ليس بالكبير يسمى اشقر تركي ....

وجد في هاك الزرب جثمان الشيخ الامير الفارس الشجاع تركي بن صنهات بن

حميد رحمه الله ويوم شافه الحربي قال والله ياجمجمه واحداخذ البل

وفتكها من الاجناب وعطاها لملا جمجمته من حليبها ....

قام الحربي وملا الجمجمه من حليب اباعره وشق نصف غترته وكساها

ووضع الجمجمه ملئا من الحليب ومعصوبه بغترة الحربي ورجعها في محلها

مع عضامه في زربه ............

وبعد ايام اغارو السلتان من ذوي عطيه من الروقه واخذو اباعر الحروب ومعها

اباعر الحربي صاحب السالفه .......وفي عوائد ذالك الوقت اذا اخذ لأحد

حلال يبحث عن عاني عند احد القبيله التي اخذت مالهم حتى يتمكن من ارجاع

ما أخذ منه لكن ابو الحربي لم يتذكر عاني له عند العتبان .....

فقال الولد : يا يبه قبل ايام مليت راس تركي من حليب اباعرنا الماخوذه

ولدري هاذاالفعل يرجع اباعرنا ولا لا ....

فقال له والده على عجل انت صادق قال نعم ...

وعلى فوره شد اشداده على ذلوله الحربي ونصا الحمده على راس

الامير: عقاب بن شبنان بن احميد

وقال ان اباعري اخذوها الروقه والبل فيها عاني والعواني مانقطعت بين القبايل قال الامير بن شبنان بن احميد للحربي وش العاني الي عندنا

يا حربي. قال البل الي وخذة مالين راس تركي بن ا حميد منها

والراي عندكم فقال له بن شبنان بن احميد انت متوكد قال الحربي

نعم . ارسل ابن احميد عقاب معه اهل ثنتين من المقطه قال توكدو كان هو صادق الحربي .ويوم وصلو لمكان زرب تركي بن احميد طلع كلام الحربي صحيح .ورجعو للامير بن شبنان عقب شافو وتاكدو من صدق الحربي ..

وفي وقتها ارسل الامير عقاب بن شبنان الى السلتان من ذوي عطيه ..

وقال البل فيها عاني واخبرهم بسالفة الحربي مع راس تركي بن احميد...

وقام السلتان بارجاع اباعر الحربي كلها حتى المفرود وفاءا للحربي وكرما منه ولفعله الطيب في اكرام عظام شيخهم بن احميد رحمه الله




وهذا ما عندي من هذه الواقعه وللمعلوميه اشقر تركي في نجد بجوار مركز ضريه قريبا من القرارة .....



الثقيل

تسلم أخوي الثقيل ... وفعلا رجال عاش ذكرهم وهم بين الأموات ورجال ميته وهي تحسب من الحيين.

الثقيل تسلم على هالسالفه ويعطيك العافيه والله يرحم ابن حميد ويرحم اموات المسلمين ومثل هالسالفه تبيض الوجه وودنا نشوف مثلها لاهنت وتسلم يمناك
تقبل تحياتي
((الدلبحي))

بيض الله وجهك يا الثقيل

وهذي (( للرفع )) اكراما لشيخنا تركي بن حميد رحمه الله

مشكور اخوي الثقيل

يعطيك الف عافيه اخوي على هل القصه والله يرحم اموات المسلمين