ياليت احد يكمل القصيده ويقول من الشاعر.( لاطاب نوم الي حياته خساره...

لاطاب نوم الي حياته خساره
.....................................خير منها ركعتين بالاسحار

ياليت احد يكمل القصيده ويقول من الشاعر.
انا سمعت انه لتركي بن حميد

نعم هي لتركي بن حميد والقصيده كالتالي:
يــامــا حـلا ياعـبـيـد فـي وقت الاسفار ............. جـــذب الـفــراش وشــبّ ضـــوّ المــنارة

مع دلــة(ن) تجــذا على واهـــج النار ............. ونـجـــر إلـى حــرّك تـــزايــــد عـــبــــاره

في ربعة(ن) ماهيب تحجب عن الجار ............. لا مـنّ خـطــو الــلاش مــا شــبّ نـــــاره

الــنـــــجـر دقّ وجــاوبــه كــل مـــرّار ............. مــالــفـّـــه الـمــلـفـوف مـن دون جـــاره

وأخـــيـر مـنـهـا ركعتين(ن) بالاسحار ............. لاطـــاب نــوم الـلــي حــيـاتــه خـســـاره

تـلــقاه في يوم(ن) يضيعن(ن) الافكار ............. يـوم(ن) عـلـى المخلوق ما اطول نهاره

وقـم فـي قـصـير البيت حشمه ومقدار ............. لــــو جــــار فــادمــح له ولو به خساره

تـرى النــبي وصّى على الجار لو جار ............. خـــــذ الـحـــذر يـاعـبـيـد عـقــب النذاره

رافـق قـويّ الــديـن حـفّــاظ الاســرار ............. يـنـفـعـــك فــي يـوم(ن) يـجـي به كراره

تـرى الـهـوى والغيّ هن شرّ الاشرار ............. ومــن داس عـار الـنـاس داسـوا لعاره

جــنـّب رديّ الــكــار مــافـيــه تـعـبــار ............. مــافـيـه مــن فــعـل الـمـنـاعـيــر شاره

جــنـّب عـنـه خـلــّه لـقـصّـاف الاعمار ............. واحـفـظ وصــتـاتـي يــارفـيــع الــمناره

واسـلـم ودم بـالـخـيـر يا طـيـر غـيمار ............. وصــلـّـوا عـلــى المختار ما غار غاره

بيض الله وجهك
ويعطيك العافيه

فعلا القصيدة للشاعرالأمير تركي بن حميد رحمه الله.