قصيدة لشاعر / سالم الرويس == ظبي النفود ==

اهدي هذه القصيدة لكم والى منتدى الهيلا,,,,,,

وارجوا ان تحوز على رضاكم ,,

لشاعـر / سالم محمد الرويس ,,,,,,

--------------------------------------------------------------------------------

--------------------------------------------------------------------------------




الآدمــــي أهــــم شــــي كـرامــتــه

لــو الليـالـي والمـقـاديـر ضـامـتـه

لو خلته واقف على الدرب يشتكـي

يبكـي ودمعـه بــل حـتـى عمامـتـه

ما يرتخي راسـه لمـن ضيـع الوفـا

ولا تنحنـي لبـو عكـاريـش قامـتـه

يصبـر ويقفـي والمخاليـق تجرحـه

ويسمـع لعذالـه ومـا قــال شامـتـه

ينوح لا ناحـت مـع العصـر نايحـة

ويذكـر صــوت الحمـامـه حمامـتـه

يــذكــره خــــل تـنـكــر لـصـاحـبـه

اللـي لعـب بـه لعـب سالـي بدامتـه

يــقــول لا مــنــه تـنـهــد بـونــتــه

لا عدت يـا ظبـي النفـود وعدامتـه

لا عـدت يـا ظبـي رميتـه وصابنـي

يـا ليتنـي جـيـت وتركـتـه برامـتـه

أو ليـتـنـي لـــو التـمـنـي يفـيـدنـي

بعـتـه نـهـار إن المقـاديـر سامـتـه

وشريت نفسي قبل يسرقني الهوى

وقلبـي مخلـيـت المخالـيـق لامـتـه

جمعت حرمانـي وياسـي وضيقتـي

وقفيت وعيوني من الحزن صامته

والله مـــا عـــود لــــدرب يـذلـنــي

ومنهو نشدني عنه قلـت بسلامتـه

لان المـهـم لـكـل مخـلـوق شيمـتـه

لــو الليـالـي والمـقـاديـر ضـامـتـه

صح لسان شاعرها وصحت ايدين ناقلها

لاهنت على مجهودك يابوبجاد

قصيده في قمه الروعه

لك مني خالص التحيه والاحترام


اخوك
عنادالرويس

مشكور اخوي عناد الرويس

والله لا يحرمنا من مرورك

ولك مني احلى تحيه يالغالي

صح السانك اخوي ولاهنت على القصيده

مشكور اخوي نجم

ولاهنت على مرورك العطر