من يوصل كلامي اللي بقوله لجميع شيوخ عتيبه ووجهاء القبيله

السلام عليكم ورحمة الله وبركاته


يالله حيهم وشلونكم عساكم طيبين أنشاء الله أنا قبل 4 شهور يمكن نزلت موضوع تكلمت فيه أقتراح لعمل صندوق خاص للقبيله يدعم فيه فقراء القبيله مساعدتهم ومشاء الله عليكم الآن يوم سويتوا المزاين كل واحد قطله مليون ولا نص مليون المهم يومنكم تحذفون هالمبالغ الله يصلحكم ماتجيبون لكم أي فائده دينيه ودنيويه ولو أنكم تتبرعون فيهم لأبناء عمكم أفضل لكم بكثير ويرزكم ربي أنشاء الله أما تقطونها على أباعر هاذي بصراحه فكره ناقصه واتمنى إذا حصلت الفكره وتحققت أنكم تضعون لجنه رجال أكفاء وثقه ويعتمد عليهم وتبحثون عن الفقراء من القبيله وتتبرعولهم ومثل كل عائله محتاجه تعطونهم راتب شهري وتوزعون عليهم أكياس رز ومواد غذائيه ومشاء الله يا كثرهم رجال أعمال اللي من القبيله أتمنى انها تكون وصلتكم المعلومه

واتمنى ان الموضوع مايروح كذا مثل يرد علي 12 واحد وينتهي أتمنى انكم تراجعونه ويثبت لو سمحتوا للأهميه وأتمنى انه مايحذف من هالقسم لأني وجدت انه أفضل وأهم قسم بالمنتدى

هذا رابط الموضوع اللي قلت لكم عنه
http://www.otaibah.net/m/showthread.php?t=37133



موودتي

مبادره طيبه ونرجو الاهتمام بمثل هذه المواضيع والله يجزاك بالخير

كلام طيب وفي محله بل لوضع هذا الصندوق في القبيله واخذوا من كل فخذ واحد على الاقل كاعضوفي الصندوق ويعرف جميع المحتاجين من فخذه او الفقراء فان هذه بادره طيبه وبارك الله فيك على طرح هذا الموضوع يا بن العم سعود النفيعي

فكرة جيدة
وارجوا من كبار ووجهاء و ابناء القبيلة
درس هذه الفكره واستقطابها بما ينفع المحتاجين و المعسرين
من ابناء القبيلة

فكرة طيبة من وجه طيب ونتمنة التفاعل مع الفكرة