قصة وقصيدة الشاعر الكبير .. رشيد الزلامي

وهذه قصيدة للشاعر رشيد الزلامي العتيبي وهو في الجيش الكويتي في مصر بعد ما حصل على شخص يسب السعودية لما سمعه رشيد قال هذه الأبيات :



الله من قلب به النار تشــــتب = هبت وشبت واســـتمرت شبوبه
قلبٍ غدى للهم ما رد ومشــرب = وما ضاع من هم العرب راح صوبه
همٍ على ربع وهمٍ على شـــبِ = باليوم والساعة همومه تلوبه
والله من عيرنٍ تصب العبر صب = صب القلـــيب اللي تدالج غروبه
يا عبيد انا ما نيب ضبٍ ولد ضب = يصبر لما يســـمع وينفخ ذروبه
انا عتـــــيبي عريبٍ معرب = لي ما قفٍ كل الجمــيع شهدو به
من سب داري قـلتله كب ثم كب = وارخصت روحي دون داري جلوبه
لو أتعبن سبابها واتـــــعذب = صبرت من شان الوطن للــعقوبه
والسجن ما هو عيب شئ مجرب= لعلم المسجون ما هي ذنــــوبه
يلومني خبلٍ إلا ما تــــغرب = ينسى الوطن خسروا هله يوم جو به
فوده مع الضفران صفر مـكعب = غطـــــيس قلب لذة النوم دوبه
وانا على كل الجنوب اتقلـــب = ما ذقت حلو النوم يوم اهــتنوا به
واقنب قنيب الذيب في راس مرقب = من حر ما به قام ينهش جـــنوبه
يحيني الغربي عـــصير إلى هب = ريح الديار الطاهره هـــــبوبه
ريحة هواها مكسبي يومن كسب= اخير من ريح البحر والرطـــوبه
عسى السحاب اللي من العصر ينصب= دلت هما ليله وهبت انصــــويه
يسقى وطن راعي العقال المقصب = نجد العزيزه وغرب نجد وجــنوبه
لي ديرة ما تقبل الشتم والـــسب = هي منبع الإسلام دار الــــعروبه
يفوز مذهبها على كل مذهـــب = وعلى مقلبت المذاهب عــــقوبه
يحكم بشرع الله والـسيف الأرقب = ولا شق فيها طالب الحـــق ثوبه





المتواصل معكم :
نسيم الليل

صح لسان الشاعر الكبير / رشيد الزلامي


ولا هنت يا الغالي فرهودي

أخي العزيز فرهودي مشكور على جهدك و أرجو أعادة نص القصيدة و شكراَ .

مشكور يا فرهودي

لاهنت يالغالي