قفا قف ...

السلام عليكم ورحمة الله وبركاته

عنوان : قفا قف ...

كانك من اللي ياكلون القـــفـا قـــف
مالـــي مع صحبتــــك مذهـــب ومله

وكــانك من اللـــي يبحثون الخـــفا خـــف
يــوم نحــاسب فيه والأمـــر للـــه

وكــانك من اللـــي يعشــقون الصـــفا صـــف
هــــاجــوس راسٍ مــــا يعـــــرف المـــــذلــه

وكــــانك من الــلي يستــطيـع الضـــفا ضــف
على علوم تــدبل الكـــبد علـــــــــــه

وكـــانك من اللــــي يرتجــون الوفــا وف
ديـــن على إرقبــتك إرقبــتك إتشـــله

وكــانك من اللـــي يطلــبون الشفـــا شـــف
من ضيـــع الـــدرب الســوي من يـــدلــه

وكـــانك من اللـــي يعرضون الجـــفا جـــف
حبــر القلم والوقت عيـــا سجـــله

وكـــانك من اللـــي يهتوون العــــفا عـــف
النـــاس واجــد وأقـــشر الوقــت مـــله

وكــانك من اللـــي مكتفي بالكـــفا كـــف
كـــفك وعيـــنك والقـــدم والأدلـــه

ياطـــير ياللـــي حــول ضلع الرفــا رف
افهم وأظنـــك فاهــم العـــلم كلـــه

قـــافٍ شطـــرته شطــر عن الهـــفــا هـــف
تنـــقد لـــه النـــقاد دقـــه وجـــــله

أرفـــعــه عن نـــاسٍ تجـــيب السفـــا ســـف
اللـــي كـــسرت بالشـــعر كفه ورجـــله
الشاعر غربي بن غلاب الدلبحي العتيبي

منقوووووووووووووووووول

مشكور عل نقلك لقصيدة الشاعر غربي بن غلاب الدلبحي العتيبي

وصح لسانه وسلمت على النقل وقصيده رائعه ومشاركه اروع.

ولاتحرمناجديدك..