أشهـر وأج ـمل وداعيــه !!؟

هي تقريبا من أشهر الواداعيات وهي للشاعر:عبدالله بن عميـره.

خلاص وش عاد باقي يانظر عيني
بكره بسافر ولاظنيت به جيه
بامشي مع الليل والغربه عناويني
ماودي امشي ولكن صارت النيه
باودعك والمدامع منك تبكيني
فالموقف اللي به الكلمات عفويه
باودعك والمشاعر بك تعزيني
في دفنه الحب وقلوب الهوى حيه
سيلن من الدمع به شي مغنيني
واحلا الليالي كما الصفحات مطويه
واللي من الهم فيني منك يكفيني
حل الفراق وليال الحب منسيه
باخذ معي صورتك يمكن تسليني
وقصايد الحب في شارعك مرميه
وانقش حروف اسمك في قلبي وبيديني
واكتب قصيده واسميها الوداعيه

صح لسانه..

وبيض الله وجهك ياعبدالله

هلابك يالغالي منور..

صح لسان الشاعر

ويعطيك العافية

صح بدنك..
منورين..