هديه من الشاعر(عليق بن وبران بن مشرف الشمري

بسم الله الرحمن الرحيم



يقوم من عبر بزينات الأمثال = وازهى القوافي جايبين جزيله
من جاش أديب ينظم الشعر بالحال = اخذ جزيل القاف وارمي هزيله
الفكريحضر والحبر بالوراق سال = والقاف مازان على مانبي له
مثايل ما ولفوهن الانذال = ولانقولهن مدركين الفشيله
شاقن لنظم الشعر ماضين الأفعال = يوم الزيارة للديار الجميله
يوم الخميس اثنبن وعشرين شوال = جينا الرجل اللي علومه نبيله
أولاد روق اللي عريبين وثقال = قبيلة ياحي والله قبيله
أولاد روق اللي لهم صيت وأفعال = أهل السيوف المرهفات الصقيله
ذباحة الحايل كريمين الأسبال = متوارثين الطيب نعم القبيله
شرهاتهم ماهي على جمعة المال = فوق الصحون يقلطون الجليله
كبار الصياني والسمن فوقها سال = اللابه اللي يذبحون المحيله
وبيوتهم للضيف مزبن ومدهال = وديارهم كم واحد يلتجي له
ولو ننشد التاريخ ونشوف وش قال = يشهد لهم تاريخ نجد وجيله
تاريخهم واضح على راس ما طال = تاريخهم بين وكل حكى له
يوم على طلال ما يبهج البال = ثار الدخان من حر صلو الفتيله
زادوا على الهقوات يوم أدبر الفال = يوم الحرايب والعدو ترتكي له
ميزانهم يرجح على عايل عال = وحريبهن بوم اللقا عزتيله
قبيلة ما طاوعوا قول عذال = قوم على الحراب تشفي غليله
رجالهم ينطح ثلاثين رجال = وخيالهم ينطح جموع وخيله
للزين زينين وللضد جهال = عوق الخصيم ليا بدى منه ميله
قوم يعرفه عاقل الناس والضال = سقم الحريب زمقحمين الدبيله
يشدون سيل يضرب الجال للجال = واللي بوجه السيل لازم يشيله
ودخيلهم يلقى المعزة ماهو ذال = وعز الله انه داخل به دخيله
وصديقهم ليا نشدته عن الحال = يقين ما يعتاض عنهم بديله
وصديقهم عنه المحاميل تنشال = تنشال لو ان المحامل ثقيله
وعدوهم يسقونه المر واذلال = بالليل يسهر ماتهني بليله
وعدوهم يذوق تسعين غربال = خلوا على كبده حر ومليله
وعدوهم لو هو من الجيش حمال = بالمعركة خلوه يطرق شليله
يردون حوض الموت جسريت الأقبال = فرسان ليا ركبوا ظهور الأصيله
صولاتهم غدابها كم رجال = ويا ويل رجل تعرض سبيله
وكم من عقيد وسدوا راسه الجال = وشيوخ راحو بالمعارك قتيله
ولو ابعد افعولهم ما لها تال = يصعب على عدادها من حصيله
يستاهلون المدح عريبين الانسال = نسل الرجل الي علوا بالطويله
شي لشوفيه زاد مدحي بالاقوال = والقول عقب الفعل اكبر دليله
وجعل الخيال اللي نى فوقه خيال = والغيث يمطر من حقوق المخيله
على نفي مع القرارة والاجبال = وتسيل كل شعابها من مسيله
حيث انها ديار البطولة والابطال = ديار الكرم والطيب للي يجيله
ديار لهم حامينها ماض الاجيال = من دونها ترخص عمار طويله
يقوله اللي ما تغير ولازال = قول الحقيقة والصراحة يبيله
وصلاة ربي عد ما وادي سال = وعد براق برق بالمخيله
على الذي سن الفرايض والاعمال = نبينا المختار راع الفضيله
الشاعر/عليق بن وبران بن مشرف الكتفاء الشمري /حائل/العدوه

صح لسان الشاعر الرائع / عليق الشمري

ولا عليهم زود الطنايا

وتسلم يديك ياراع الاصايل

تنقل القصيده لقسم الشعر الشعبي ..

تحيتي
...

صح السااااااانك يالغالي
والسان شاعر الطنايا
ويستاهلون الطيب والعلم الغانم الاد روق