شَاعِـــرْ الرّسُــولْ (ص.)

أبيــات متواضعة كانت رداً على رسـالة خاصة

إلـيّ مـن أخــي الفـاضـل

الشاعــر/ خالد الدعجاني

شاعــر رســول الله صلـى الله عليـه وســلّـم





سلام ياخالد عسـى راسـك لنـا ذخـر ويـدوم = سلام(ن) اطيب من حليب البكر وأطعم من حـلاه
وابيض من القرطاس واجمل من تحيات العمـوم = وأصدق من ارسوم الحيا وازكى من ازهور الفلاه
واصفى من الشهد ولكم ياصل مصفّى وامختـوم = واوفى من العدّ القراح بحقّ مـن يـارد عـلاه
يابـو فهـد لله درّك كـل ليـل وكــلّ يــوم = شاعر رسول الله عليه افضل سلامـي والصـلاه
منك الفخر ولك الفخر لين انّها الساعـه تقـوم = وحنّا لنا الفخر ومعك ( بالقرب ) من فضل الاله
تعيش.. يانسـل الشغاميـم المياميـن القـروم = اللي قبل عصر الرسول وعصره وعصر(ن) تلاه
هوازن الهيلا عتيبـه يفطـر الكـون ويصـوم = على ذكر تاريخنا اللـي زلـزل الكـون ومـلاه
علم(ن) ماهو حلم وهذيك أعلامنا فـوق النجـوم = ويشهد لنا بالفعل مـن كنّـا خصومـه وإقبـلاه
دخيلنـا والضيـف بإحمانـا معـزّز وإمحشـوم = وحديدنا يأمـن ونأمـن بـه ولاننقـص غـلاه
وعدونـا مالـه مطيـر ولا لقـى فينـا رحـوم = حنّـا عقوبـة مُنزلـة للـي كتـب ربـي بـلاه
ولاهنت يا(حسّان) في مثواك وإرقـد وإمخـدوم = خالد نيابـة عنـك ماقصّـر ومنبـرك إعتـلاه



وسلامة الجميع

صح لسانك ياعبدالله .. ابدعت

سالم وغانم




صح لسانك ياعبدالله بن طلال


حظور رااااااااااقي



لا عدمناك



تحيتي لكـ

صح لسانك لاهنت على ماقلت تقبل تحياتي