مشيلح بن رويبح الشيباني

قال هذه القصيده في احدى المعارك مع قبيلة قحطان ويعتقد انها في اول القرن الثالث عشر الهجري
في اول المعارك بين عتيبة وقحطان

بديت بذكر الله على اول كلامي = على المقام وهجعتي في المنامي
الروح لابده محل الاثامي = ومانفعله يالله تكفينا سبايبه
انا على المعبود علقت عاني = ولاني بعارف غيبها في زماني
ادخل على الله من حوايم لساني = وياخالق روحي تهون عذايبه
قلته وانا مبداي في راس منواع = في في راس رجم للهبايب وملواع
بديت حيد للشياهين ميقاع = عسى صدوق الغيث يسقي شعايبه
طرى على قلبي مبادي ركونه = لوكان مايبديه سحاب شونه
سقاه رواح الحيا من مزونه = يازين عند العصر مبدا شذايبه
رديت لي قاف حسين البنايا = ما ولفوه مكثرين الحكايا
احلى من البرني بروس الودايا = ينشط اللي كاثرات تعايبه
حلو سواة الذوب وسط الخليه = يقري منه لوكان ربع الوقيه
يبري الكبود اللي بهن الشكيه = من الصيف جانيه النحل في جنايبه
طاري طرى في خاطري كل طاري = هواجيس عنها اللاش ماهو بداري
ذكرت لي يوم جرى منه جاري = ادرك احد واحد نجا من كرايبه
لا يانهار جا علينا ومنا = نؤه غطى روس الاقاذيل عنا
واحد ادرق في غيبته ماتمنا = يشق للقب المفقه رعايبه
خيل خياله يم خشم ذهلاني = من دون دلعه فرع قصر الاداني
روق ورقرق حول ذاك المكاني = ورنت رعوده في ستايم سحايبه
برقه سيوف الهند ورعوده الروم = وثعله غلب عود من العج مقتوم
وسيله حمر دم وربانه لحوم = وبراده قطع محبب من حبايبه
جونا هل الجنوب احاسة الدم = وشيوخهم تقدى الجموع المردم
واللي يبا التوخير قالوا تقدم = وكل جمع قومه وجمع حظايبه
وكل لبس له لبسة يوم عني = وخيل بخيل بيننا روحني
اقفن بالفرسان ثم اقبلني = كم من صبي تقلعه في غرايبه
جونا كما سيل نحى مع مسيله = اللي مع الجرعا يحده قفيله
من جاهز نؤ الثريا مخيله = وحنا كما نؤ مزعنه هبايبه
بالكثر راعونا وحنا نروعهم = وجموعنا قرت وقرت جموعهم
ياشوف عيني يوم قمنا نلوعهم = بصافي الحديد اللي دقاق رقايبه
جوهم عزاتي للمنى يامناعير = والخيل مردمة علينا صوابير
ولجة عزاوينا سواة الحدادير = يوم اشهب البارود ثارت حطايبه
ربعي مرزنة القلوب الشفاقا = برقا هل العادات يوم الملاقا
اهل المواقف يوم يبس الرياقا = يوم التمام السو تدني قرايبه
نادى علينا شيخنا بالحمايل = قام ونخانا بالجدود الاوايل
يقول هوشوا هوشة اهل الصمايل = والروح بخطوط القلم في كتايبه
قمنا وسبلنا غوالي العمارا = ماعندنا في اللي يجيها مدارا
نبيعها في سوق بيع الخسارا = سوق مذاريب النشامى جلايبه
ياغافل عن عصر هاك العشيه = ليتك تحلى عزوة لي دنيه
يوم اصطفاقات الجموع القويه = في يوم ضيق مبهمات نشايبه
يوم اعتزوا عليهم الاد شيبان = راحوا كما صيد من الجو شتان
والهوش منهم ضيعه كل ديقان = وكل نسى فتنه ومنزل قرايبه
هذي مع شيخاننا عادة لنا = حريبنا من حدنا ماتهنا
من همنا مايمرح الليل منا = يسقى من السم المدريق شرايبه
نادى لنا عند الاله المنادي = مدبر الساعات والي العبادي
وقمنا عليهم مثل حوم الحنادي = شعيبهم بالدم تنبت عشايبه
الاد العصيمي هم والاد المروحي = جمع لهم يوم الترايح روحي
حدوا سعد على طويل ملوحي = أبوي لا لاهم لزوا في زرايبه
الاد العصيمي محكمين الحرابه = وافعولهم من يوم عصر الصحابه
طريحهم قعد عشى للذيابه = تاكل عصايبه وتاكل ترايبه
اسيوفهم يوم الحرابه تسله = تشيل راس اللي خصم من محله
ياسعد من هم باللقاء فزعتن له = خصيمهم قفى كاثرات مصايبه
والاد الفليحي يقصر الذم عنهم = ربع ليا ركبوا تقضوا دحنهم
كم سابق مخل ظهرها طعنهم = علم اليا قلته توثق حقايبه
على الخيل دهم ارماحهم علقوها = وكم سابق عن جريها عوقوها
وكم جادل من شوقها طلقوها = غير الصويب اللي تجدد عصايبه
ربع على ايسرنا خذوهم طيارا = كل يعاين فعلهم بالقرارا
على دربهم ياكن جضع السكارا = جثايا هشيم دانيات حطايبه
الاد الكريزي لابعد الرب دارهم = ربع اليا ركبوا تقاطى مهارهم
كم من صبي طايح في كرارهم = سرواله التومان شقر ذوايبه
الله معاضدهم بحظ وسعاده = والهم على كسب النواميس عاده
كم فارس في نجد كبوا شداده = غدا عليه الذيب يقنب قنايبه
ومسلط على اليمنى حكم له جموعي = لباسة الجوخ الحمر والدروعي
يبا قفى جمع علينا يفوعي = ظاري بركضات تقطع عقايبه
حكمه بعيد ومحتض له حضيه = حكله بعيد ولادري عنك نيه
والله قضاها ساعه في شويه = مثل الطليب اليا خلص عن طلايبه

تسلم أخوي فارس برقا على ما اتحفتنا به


شخصك كنز ثمين من المعلومات الله لا يحرمنا هالموضوعات


تقبل تحياتي...

لاهنت يافارس برقا , مجهود تشكر علية , ومشاركة اكثر من رائعة , والله لايحرمنا من هذا السيل الجارف من تاريخ عتيبة الموثق , التي تتميز بها يافارس برقا.........


تحياتي.......

شكراُ ياخوي فارس برقا وقصيده رائعه

وهذا القصيده قيلت في معركة دلعا


وشكرا

الله معاضدهـم بـحـظ وسـعـاده والهم على كسب النواميـس عـاده
كم فارس في نجـد كبـوا شـداده غدا عليـه الذيـب يقنـب قنايبـه

الله الله


فارس برقا..
باختصار ..شكر على القصيدة الرائعه

فرهودي

فارس برقا

قصيده جميله وصح لسان القايل

ومشكور على النقل

ولك تحيات عتيبي عفيف

الله يسلمك داهية عتيبة

يعطيك العافية على المرور الرائع

ولا انت أبن مشيب

واشكرك على مرورك الرائع

العفو وديع الركايب

نعم هذي قيلت في معركة ( دلعه ) سناف الطراد

العفو فرهودي

العفو عتيبي عفيف

مشكور على المرور

يا فارس برقا

شعر في غاية الجزاله
والرصانه
والف شكر لك
على المواضيع المميزه



اخوك شيباني نت

العفو اخوي شيباني نت

لاهنت اخوي فارس برقا

وبيض الله وجهك على مجهودك الطيب

ووجهك ابيض اخوي سرحان

لاهنت اخوي فارس برقا

قصيده جميله وصح لسان القايل


تحياااتي

ولا انت ياابن نعيس